O PP tamén pretende que a Deputación inste ao Goberno central a non rebaixar as penas polo delito de malversación
Lugo, 28, novembro de 2022. Concellos e deputacións, como institucións máis próximas aos cidadáns, son as que mellor coñecen o sentir dos cidadáns. Así o sinala o portavoz popular na Deputación, Javier Castiñeira, que anuncia a presentación dunha moción para que a corporación provincial inste ao Goberno de Pedro Sánchez a renunciar a suprimir o delito de sedición e a rebaixar as penas polo de malversación.
Castiñeira sinala: “A Administración local, é dicir os concellos e as deputacións, é unha administración importante dentro da estrutura do Estado, pola proximidade, por coñecer cales son as inquedanzas dos nosos veciños. Por iso o grupo provincial do Partido Popular leva ao pleno da Deputación de Lugo unha moción instando ao Goberno de España a que non elimine do Código Penal o delito de sedición nin rebaixe o de malversación, porque obedece única e exclusivamente a intereses políticos, non só dun partido senón de correntes políticas dentro deses partidos, tanto o sanchismo como o independentismo”.
Os populares din: “Como coñecemos ben o que queren os veciños da nosa provincia, que sempre demostraron crer na estrutura do Estado, sabemos que están en contra destes acordos partidistas e por iso levamos unha moción ao pleno. É un sentimento dos nosos veciños e unha obriga de todos os deputados que representamos a eses veciños”. Engaden: “Entendemos que todos, tamén os socialistas e os nacionalistas lucenses, encabezados polo presidente, José Tomé, que ademais é o secretario xeral dos socialistas lucenses, debemos postularnos en contra das intencións do Goberno do Estado, porque van en contra dos desexos da gran maioría dos españois”. Castiñeira espera “que haxa unanimidade no voto e que o goberno do Estado se bote atrás nesa iniciativa de reducir os delitos e as penas de malversación e eliminar o de sedición, que poden traer cousas moi negativas nun futuro próximo”.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
