NOTA DE PRENSA:
ALFONSO VILLARES CUALIFICOU DE “ÉXITO TOTAL” AS CELEBRACIÓNS QUE ENCHERON DE XENTE O CONCELLO DURANTE TODA A FIN DE SEMANA
*
O rexedor deulle a noraboa á S.D. Cervo-Sargadelos, a “Amigos da Maruxaina” e ás comisións de festas do Carme de San Ciprián e do San Roque de Cervo polo seu traballo na organización destes eventos
*
Tamén agradeceu o traballo desenvolvido polos traballadores municipais e a colaboración prestada polas distintas forzas de Seguridade que colaboraron coa Policía Local para garantir “unhas festas onde só primou o bo ambiente”
Cervo, 17 de agosto de 2010.- O alcalde de Cervo, Alfonso Villares, fixo no día de hoxe un balance positivo dos distintos eventos festivos que tiveron lugar este fin de semana no concello “e que se caracterizaron por unha afluencia masiva de visitantes ás localidades de Cervo e San Ciprián” recalcou o rexedor.
Villares aproveitou para felicitar aos organizadores da festa do Ovo Frito (que tivo lugar o pasado venres), da XXV edición da Maruxaina (celebrada o sábado pasado); e das festas Patronais de Cervo na honra a San Roque (festexos que comezaron o domingo e rematan hoxe) polo éxito acadado, e aproveitou para facer extensiva esta noraboa a tódolos veciños e participantes que se achegaron a estas vilas “porque foron unhas festas nas que non houbo que lamentar ningún problema de seguridade e que se caracterizaron polo inmellorable ambiente festivo, que é o realmente importante”.
O alcalde tamén agradeceu o traballo desenvolvido “antes, durante e despois” destas celebracións polos traballadores dos distintos servizos municipais do Concello de Cervo. “Hai que salientar a labor da Policía Local; de Protección Civil; do Servizo de Augas e do de Obras; e tamén a tódolos traballadores que participaron nos magníficos traballos de limpeza que tiveron lugar nas dúas vilas o día despois de cada unha das celebracións”. Por último, o primeiro edil cervense tamén quixo agradecer a colaboración prestada pola Garda Civil e a Policía Autonómica, que despregaron os seus dispositivos nestas celebracións. “Estamos moi agradecidos tanto ao corpo da Garda Civil coma á Consellería da Presidencia, que coma novidade este ano destinou efectivos da Policía Autonómica nas nosas festas, o que contribuíu a garantir a seguridade cidadá nestes días”.
En opinión do alcalde de Cervo, unha vez rematados estes festexos “queda ese bo sabor de boca necesario para que os distintos colectivos e organizadores destas festas se animen a continuar traballando con ánimo e satisfacción en vindeiras edicións”.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
