Viveiro, 4 de xaneiro de 2023. A alcaldesa de Viveiro, María Loureiro, e a subdelegada do Goberno, Isabel Rodríguez, informaron que a Policía Nacional e Local reforzarán a vixilancia no casco histórico de Viveiro para garantir a seguridade de veciños e comerciantes desta zona da localidade.
Fixérono durante unha reunión celebrada hoxe no Concello para tratar a seguridade cidadá do municipio, na que tamén participaron o tenente de alcaldesa, Jesús Fernández; o comisario principal da Policía Nacional en Lugo, José María Esteban; o xefe de Seguridade Cidadá da Policía Nacional, Alejo Rodríguez; e o xefe da Policía Local, Senén Pico.
Esta reunión foi solicitada ao Concello de Viveiro pola Asociación de Veciños do Casco Histórico para tratar a situación actual da veciñanza en relación coa seguridade do ocio nocturno, pero a última hora do pasado martes o colectivo decidiu non asistir á reunión. Aínda así, o Concello de Viveiro mantivo o encontro “porque a seguridade dos veciños e veciñas de Viveiro é unha prioridade para este Goberno”, subliñou a alcaldesa.
Durante o encontro, a rexedora explicou que tras as reunións mantidas con representantes da asociación en agosto de 2019, o Concello decidiu incrementar a presencia da Policía Local na zona do casco antigo co fin de intensificar a vixilancia en relación ao ocio nocturno. Froito do control policial, dende entón a Policía Local de Viveiro levantou un total de 103 actas de denuncias por consumo de alcohol en vía pública, das que só un 10,6% dos casos tiñan lugar no casco histórico. Ademais, durante o 2021 reduciuse nun 33% o número de infraccións por consumo de alcohol en vía pública e no 2022 non constan actas en relación a isto.
Nesta liña, no último ano a Policía Local recibiu un total de 39 chamadas por queixas derivadas do ocio nocturno no casco antigo, das que a Policía atendeu o 94,8%. De estas intervencións policiais soamente en un dos casos foi necesario emitir unha proposta de sanción por incumprimento do horario de peche dun establecemento.
“Hai un claro descenso no número de casos relacionados co ocio nocturno no casco histórico, pero imos seguir reforzando a vixilancia nesta zona con operativos policiais como o levamos facendo durante os últimos anos, respondendo ás demandas da cidadanía”, manifestou María Loureiro.
En relación a isto, a subdelegada explicou que, ademais do servizo que presta a Policía Local, Viveiro conta coa cobertura da Policía Nacional durante as 24 horas do día. Neste sentido, informou que grazas ao traballo e dedicación das Forzas e Corpos de Seguridade do Estado Viveiro mantense por debaixo da medida galega e da que teñen outras poboacións importantes da provincia, e avanzou que intensificarán os seus esforzos para garantir a seguridade no concello de Viveiro.
Así mesmo, a alcaldesa destacou a boa coordinación e relación, entre ambos corpos de seguridade e administracións, co principal obxectivo de atender as demandas dos viveirenses. Así, Concello de Viveiro e Subdelegación comprometéronse a continuar mantendo unha fluída comunicación para seguir velando pola seguridade da cidadanía.
Por último, María Loureiro lamentou que os representantes da Asociación do Casco Histórico de Viveiro non participaran na reunión, solicitada por eles mesmos, para coñecer de primeira man o traballo realizado pola Policía Local e Nacional en relación ao ocio nocturno. “Dende o Concello temos, coma sempre, as portas abertas aos veciños e veciñas de Viveiro para escoitar as súas demandas e responder, deste xeito, o máis rápido e efectivo posible ás súas necesidades”, engadiu a rexedora.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
