Os novos parques eólicos aprobados para Galicia suman unha potencia de máis de 712 megavatios e permitirán subministrar enerxía verde ás plantas galegas de Alcoa e Showa Denko
A Coruña, 25 de xaneiro de 2023. O delegado do Goberno en Galicia, José Miñones, transmitiulle esta mañá a súa felicitación á vicepresidenta terceira do Goberno, Teresa Ribera, polo desbloqueo de novos parques eólicos que resultan necesarios para o avance de proxectos industriais estratéxicos en Galicia. O delegado valorou a axilidade coa que o Ministerio para a Transición Ecolóxica e o Reto Demográfico (MITECO) tramitou estes expedientes pese á lentitude coa que os comunidade autónoma remitiu. “O Ministerio e os técnicos demostran o seu compromiso por sacar adiante estes parques de absoluta relevancia para Galicia, a pesar do atraso co que facilitou a información a Xunta de Galicia, á que o Goberno lle concedeu dúas prórrogas excepcionais”, sinalou o delegado. En varios casos, a Xunta remitiu ao Goberno a documentación necesaria para a tramitación nos últimos días, entre o decembro e este mes de xaneiro. Os novos parques eólicos aprobados para Galicia suman unha potencia de 712,2 megavatios (MW).
José Miñones valorou que Transición Ecolóxica deixa resoltos un total de 11 expedientes eólicos, dos cales 7 se resolveron favorablemente, 1 resultou desfavorable e 3 foron arquivados por carecer da documentación preceptiva sobre o impacto ambiental que debía remitir a Xunta. Os parques aprobados despexan o camiño para os plans de futuro de industrias “vitais para Galicia” como Alcoa e Showa Denko.
“Galicia é unha potencia en enerxías renovables e a transición verde é o único camiño cara ao futuro da nosa industria”, recalcou José Miñones.
Os sete parques con resolución favorable son os seguintes:
Parque eólico ‘Tesouro’ (60 MW). En A Capela e As Pontes (A Coruña). ENEL Green Power España S.L.
Parque Eólico ‘Barqueiro’ (150 MW). En As Pontes, As Somozas, Cerdido, Mañón, Moeche e Ortigueira (A Coruña); e O Vicedo (Lugo). ENEL Green Power España S.L.
Parque eólico ‘Badulaque’ (90 MW). En Valdadoviño, Cerdido, Cerdeira, Moeche, As Somozas e As Pontes (A Coruña). ENEL Green Power España S.L.
Parque eólico ‘Santuario’ (180 MW). En Xermade, Vilalba, Guitiriz (Lugo); e As Pontes (A Coruña). ENEL Green Power España S.L.
Parque Eólico ‘Moeche’ (53 MW) en Moeche, As Somozas, As Pontes e San Sadurniño (A Coruña). ENEL Green Power España S.L.
Parque Eólico ‘Huracán’ (56 MW). En Brión, Noia, Lousame, e Rois (A Coruña). Greenalia Green Power Huracán SLU.
Parques Eólicos ‘Orzar’ (56 MW) e ‘Tornado’ (67,2 MW). En Carballo, Tordoia, Val do Dubra e Trazo (A Coruña). Greenalia Green Power Orzar SLU.
Os parques eólicos Barqueiro, Badulaque, Santuario, Tesouro e Moeche están incluídos no contrato PPA asinado entre Endesa e Alcoa, para subministrar enerxía a longo prazo á planta de Alcoa en San Cibrao (Lugo).
Orzar e Tornado están incluídos no contrato PPA que a compañía Greenalia asinou coa multinacional Showa Denko para subministrarlle enerxía verde para as súas instalacións en Galicia.
Os sete expedientes que reciben luz verde para a instalación de eólicos en Galicia superaron o trámite ambiental, nalgúns casos realizando axustes para asegurar a compatibilidade da xeración de enerxía limpa coa neutralidade da súa presencia no territorio.
Por outra banda, o parque eólico ‘Caaveiro’, que ENEL proxectaba para Fene, Neda, Cabanas, San Sadurniño, A Capela e As Pontes cunha potencia de 78 MW, foi o único que recibiu un ditame desfavorable. Neste caso, o propio informe remitido pola comunidade autónoma era desfavorable á creación desta instalación eólica, polo que o Goberno a descartou polo seu impacto.
Foron arquivados dous proxectos promovidos por Green Capital (‘Fonte Barreiros’, de 96 MW en Ribadeo, Barreiros, Foz, Cervo e Xove; e ‘Rula’, de 55MW en Cerdedo-Cotobade e Ponte Caldelas) e un de Greenalia (que agrupaba os parques ‘Tramontana’, de 72,5MW, e ‘Siroco’, de 61,6 MW).
O MITECO procedeu ao arquivo destes tres expedientes ao verificar que non constan os informes preceptivos da comunidade autónoma relativos á avaliación ambiental. O escrito remitido ao ministerio pola Dirección Xeral de Patrimonio Natural da Xunta de Galicia non incorpora a análise dos aspectos ambientais que son da súa competencia.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
