Foz, 27 de xaneiro de 2023. O Concello de Foz entregou hoxe, venres, as novas instalacións da a asociación para persoas con minusvalía Virxe do Carme. O novo edificio, anexo á Aula de Educación Vial, está situado no peirao de Foz e conta cun gran espazo de 87 metros cadrados e un patio exterior de 300 metros cadrados para todo tipo de actividades.
O alcalde, Fran Cajoto, explicou que “o Concello de Foz cumpriu o compromiso adquirido coa asociación Virxe do Carme, que este venres recibiu as chaves dunhas novas instalacións no peirao de Foz, anexas á Aula de Educación Vial. Neste novo edificio, que conta cun espazo interior de 87 metros cadrados e un gran patio exterior de 300 metros cadrados, a asociación poderá desenvolver como corresponde a gran labor de integración social que está a facer con persoas con minusvalía psíquica”.
O rexedor municipal engadiu: “hoxe saldamos unha débeda de máis de 15 anos cunha asociación que desde o 2007 está a realizar unha enorme labor de integración con persoas con algún tipo de minusvalía psíquica. Merecen o noso máis fondo recoñecemento, pero tamén unhas instalacións axeitadas para poder realizar todas as actividades que programan. Forman unha gran familia e teño que recoñecer que a entrega de chaves ao seu presidente, Feliciano Gómez, foi realmente emocionante. Quero animar a todos aqueles que teñan un familiar con este tipo de minusvalía no concello a que contacten coa asociación e se acheguen ás novas instalacións. Só desexo que persoas como Rubén, Marcos, Fran, Obi e tantos outros sigan sempre con ese bo humor e esas gañas, estamos moi orgullosos deles”.
O Concello de Foz investiu máis de 52.000 euros de fondos propios na construción do edificio e no peche do patio exterior, creando un espazo con moita luz natural, climatizado con estufa de pellets e que se encontra adaptado para persoas con mobilidade reducida, en primeira liña da Ría de Foz. Esas instalacións veñen a resolver unha débeda cunha asociación que tivo que realizar a súa actividade en situacións provisionais como a Casa do Mar ou o Bar dos Xubilados, que está próximo a reabrir despois da profunda reforma executada polo Concello de Foz.
O Concello dispuxo ademais de máis de 9.200 euros con cargo ao orzamento municipal para a compra de mobiliario e equipamentos, como unha canastra para a práctica de deporte no patio exterior, xogos, mobles con caixóns, cadeiras, unha mesa adaptada a persoas con minusvalía física e material audiovisual e informático como unha pantalla plana e unha impresora multifunción.
A concelleira de Asuntos Sociais, Ana Rojo, destacou: “é un día especial para os rapaces e as súas familias. Hoxe inauguramos as instalacións onde a asociación Virxe do Carme terá un espazo exclusivo para os rapaces onde poder impartir clases de reforzo e metodoloxía tradicional, comprensión lectora, sociais, naturais, escritura ou razoamento lóxico das matemáticas, entre outras. Fan traballo con terapias de desenvolvemento cognitivo e psicomotricidade a través do xogo, manualidades en datas especiais, colaborando sempre co Concello en eventos tan importantes como o Carnaval. Reciben terapias de inserción, socialización e inclusión na vida diaria, colaborando con eles activamente a súa profesora de educación especial, Sandra. Dende o Concello facilitóuselles equipos informáticos con soporte de impresión para poder impartirlles novas tecnoloxías. Dispoñen para o seu desfrute dun espazo exterior diferenciado onde poderán practicar deporte e outras actividades, nun emprazamento único cunhas vistas privilexiadas á Ría de Foz”.
Ana Rojo engadiu que “o goberno de Foz sempre foi consciente da problemática e necesaria inclusión de todas as persoas así como da preocupación das súas familias, representadas na Asociación Virxe do Carme. Por iso traballamos para conseguir un espazo no que, sobre todo, sexan felices. Os meus máis sinceros parabéns á asociación Virxe do Carme”.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
