O Pescados Rubén Burela FS vence ao Futsi Atlético Navalcarnero na Semifinal da Supercopa de España Feminina celebrada este mediodía en Vista Alegre
Burela, 28 de xaneiro, 2023. Chegou a Supercopa de España Feminina 2023 e celébrase nin máis nin menos que no pavillón Vista Alegre de Burela, onde os dous equipos senior do Pescados Rubén Burela FS xogan cada fin de semana 1ª e 2ª Federación de Futsal Feminina e Masculina. Esta fin de semana a Liga Feminina detense deixando paso a esta competición na que catro equipos se enfrontan en formato Final Four. As semifinais xogáronse hoxe, ás 12:00 horas o Pescados Rubén Burela FS – Atlético Navalcarnero, no que as Raíñas Laranxas foron superiores levándose o pase á final que se xoga mañá ás 12:00 no mesmo pavillón e na que se enfrontarán ao MSC Torreblanca FS que gañou hoxe ás 14.15 ao STV Roldán.
No encontro de hoxe, un clásico que sabíamos que ía ser disputado e que o Burela ía xogar cómoda na casa, o Pescados Rubén xoga con Julio Delgado na grada, por última vez debido á sanción no encontro ante o Poio, e Peque tocada. Comeza o encontro e Emilly empeza a presionar ao equipo rival cunha oportunidade a 30 segundos de arrincar o partido encaixando o primeiro gol no minuto 1 de xogo. Continúa bastante igualado durante toda a primeira parte o encontro. No minuto 4 Patricia ten outra oportunidade e posteriormente, no 5, Caridad salva un gol que precede a outra oportunidade de Vane Sotelo no minuto 6 que se vai fóra. Presiona o Navalcarnero ás burelenses desde o minuto 5 ata o 7. No mesmo 7 Dany ten unha oportunidade clarísima que salva a porteira Belén. No 9 pídese o primeiro tempo morto do encontro, e no mesmo minuto Caridad volve ser protagonista tras un tiro de Lora. No 10 Irene Samper case logra encaixar o primeiro gol pero Belén volve ser un muro. A continuación outra oportunidaded do Futsi, un tiro longo desde o seu campo que salva Caridad e chega o empate cun gol de Irene Córdoba no minuto 11. A quendas en oportunidades vam sucedéndose durante o encontro, continúa Dany con outra oportunidade tras un pase de Jenny e a continuación outra de Peque tras unha grandísima xogada de equipo entre Cilene, Emilly, Dany e a capitá do Burela FS. Acaba a primeira parte con outra do equipo madrileño, pero volve Caridad a intervir, a cal sobresaíu durante o encontro de hoxe.
Na segunda parte comeza o festival de goles que non chegaban na primeira. Comeza cunha falta perigosa do Futsi que vai fóra. No minuto 2 Dany lanza un tiro directo perigoso que tamén se desvía e continúan as oportunidades do Burela con outras dúas de Peque nos minutos 22 e 23 ata que no 25 atopa o gol subindo o marcador para o Burela 2-1. No minuto 28 Emilly perde outra oportunidade cun tiro a porta baleira, pero Peque volve e mete o 3-1 precedido do 4-1 que consegue Dany cun golazo tras un pase de Irene Samper no minuto 31. Váiselle o encontro das mans ao Futsi e recorren ao xogo de 5, que trae o 5º gol do Burela cun tiro de Emilly a porta baleira. Continúa insistindo ata o final o Navalcarnero co porteiro-xogador e consegue dous goles, un no minuto 36 e outro no 39, o segundo de Irene Córdoba e de Ari, chegando ao final do encontro 5-3 para o equipo galego.
Remata o encontro e as Guerreiras Laranxas concéntranse en Viveiro cos demais equipos para descansar e prepararse para o encontro de mañá ás 12.00 horas que decidirá quen leva a Supercopa este ano, Pescados Rubén Burela FS ou MSC Torreblanca FS.
Ficha Técnica Pescados
Pescados Rubén Burela FS: Caridad (P), Dany, Cilene, Antía, Emilly – cinco inicial- Peque (C), Claudia, Jeny, Dasha, Irene Samper, Masha, Patricia, Sonya, Jozi de Oliveira (P)
Atlético Navalcarnero: Belén (P), Ari, Irene, Ame Romero, Lora – cinco inicial-, Becha, Leti (C), María Sanz, Luchi, Laura, Vane Sotelo, Marta Balbuena (P)
Goles: Min.1 Emilly 1-0; min.11 Irene 1-1; min.26 Peque 2-1; min.28 Peque 3-1; min.31 Dany 4-1; min.34 Emilly 5-1; min.36 Irene 5-2; min.39 Ari 5-3.
Equipo Arbitral: Rubén Hevia Campa, Noelia Gutierrez Muñoz, Fernando Faubell Zaldívar, Lucía Gómez Rojo.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
