O Pescados Rubén Burela FS lévase de novo na casa o seus tres puntos ante un dos equipos máis competentes da 2ª Federación
Burela, 4 de febreiro,2023. Con dúas baixas importantes, Óscar Villanueva e Mateo Flores, pero moi boa actitude e grande calidade de xogo, veu hoxe xogar contra o Burela FS, o Sala 10 dende Zaragoza e segundo o seu adestrador, Jorge Palos, “… sabemos onde vimos. Burela paréceme un señor equipo, para min o que máis me gusta da categoría e hoxe implementaron un ritmo altísimo, estiveron moi ben en todas as fases e custounos moitísimo. Creo que é, a nivel xeral, o partido que máis nos custou”. Segundo David Rial o equipo zaragozano tamén é un dos mellores equipos da categoría, “creo que nin os seus puntos nin o seu xogo fan xustiza á súa posición”. Cunha primeira parte máis igualada aínda que cun Pescados Rubén máis acertado, o equipo laranxa vense arriba tras o descanso sendo notablemente superior ao AD Salga 10 Zaragoza, que contaba coa desvantaxe das dúas baixas, e levándose os 3 puntos cun resultado final 5-2 esta tarde ás 18.30 horas no pavillón Vista Alegre de Burela.
Comeza o encontro atacando o Sala 10 cun tiro fóra e a seguinte ocasión será de Pitero no primeiro minuto de xogo. O encontro mantense bastante igualado, con algunha ocasión para os dous bandos ata que no minuto 4 despois dun saque de banda, Ortego anota o 0-1. Tras algunha ocasión máis de novo para cada equipo Nando empata o encontro tras un saque de esquina rápido que sorprende ao porteiro zaragozano. Mantense igualado o encontro, con numerosas ocasións entre elas varias de Isma, varias de David Pazos e unha de Rikelme no minuto 12, moitas se atopan co bo papel do porteiro do Sala 10, Dani, que fixo moi boa primeira parte. Varias ocasións tamén para o Sala 10, ata que no minuto 19, xusto antes do descanso, tras un bo centro de David Pazos, Pitero adianta o marcador 2-1 para irse ao descanso con algo máis de tranquilidade.
No segundo tempo os primeiros minutos o Burela móstrase xa superior con moitos minutos na portería rival e ocasións, pero tamén un saber estar, sabendo manter a calma e mostrando paciencia ata que no minuto 28, tras unha recuperación e pase de Alberto, Isma anota o buscado 3-1. Tres minutos despois, David Pazos mete un golazo dende fóra da área á escuadra sumando o 4º tanto para o seu equipo. Tras o saque desde o centro da pista do equipo rival, Richi recorta distancias anotando o 4-2 que non asusta ao Burela, xa que a pesar da continuada insistencia do equipo visitante, durante o resto do partido, xogando con porteiro-xogador, o equipo mariñán mantén unha moi boa defensa e logra rematar o encontro 5-2 cun gol final dun moi calmado Isma que entra co balón na portería baleira no último minuto de xogo.
14 partidos de liga sen perder son os que leva o equipo de Rial, desde a xornada 4, sendo a plantilla máis nova, sen contar aos filiais, da competición. O adestrador do Pescados Rubén móstrase moi satisfeito e orgulloso do seu equipo polo gran traballo que están facendo esta tempada e polo rápido e ben que está evolucionando o grupo.
Ficha Técnica Pescados Rubén Burela FS – AD Sala 10 Zaragoza
Pescados Rubén Burela FS: M. Kaluza (P), Pitero, Isma, David Pazos, Eloy, – cinco inicial- Lucho (C), Bruno Expósito, Nando, Rikelme, Alberto, Antón Arnejo, Bruno (P).
AD Sala 10 Zaragoza: Dani (P), Alberto, Rivera, Pescio, Carlos – cinco inicial -, Yera, Richi, Reta (C), Marcos, Ortego, Iván (P)
Goles: Min.4 Ortego 0-1; min.5 Nando 1-1; min.19 Pitero 2-1; min.28 Isma 3-1; min.31 David Pazos 4-1; min.31 Richi 4-2; min.39 Isma 5-2.
Equipo Arbitral: Adrián Calleja Rubio, Gael García Schmid, Eva López Seijas, Borja Moreira Bermúdez.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
