As actuacións consistirán na estabilización medioambiental, eliminación de especies exóticas e restauración con autóctonas, colocación de paneis divulgativos, a execución dunha nova pasarela de madeira na zona central da praia e un aparcamento co fin de mellorar o estacionamento
Foz, 8 de febreiro de 2023.- A subdelegada do Goberno, Isabel Rodríguez, avanzou hoxe que o Goberno realizará unha nova actuación para poñer en valor os recursos naturais da Mariña, dentro da súa aposta pola dinamización económica e turística da comarca. A subdelegada explicou que o Ministerio para a Transición Ecolóxica ven de adxudicar por 321.595 (IVE incluído) o proxecto para desenvolver diversas melloras na praia de Llás, no concello de Foz.
“Estas obras son para favorecer o mellor aproveitamento dos valiosos recursos naturais que ten Foz, para que poidan ser desfrutados con maior comodidade tanto polos veciños e veciñas do municipio como polos numerosos turistas, sempre mantendo un absoluto respecto polo medio ambiente”, manifestou Isabel Rodríguez. Tamén remarcou que “demostramos con feitos a aposta do Goberno pola conservación e mellora da costa da Mariña”.
Isabel Rodríguez informou de que as actuacións que levará a cabo o Servizo Provincial de Costas para a praia de Llás consistirán na estabilización medioambiental, eliminación de especies exóticas e a restauración con autóctonas. No proxecto contémplase tamén a posta en valor do sistema dunar desta praia coa colocación de paneis divulgativos. Ademais, se prevé o encanamento do afluente central da praia mediante pilotes de madeira, evitando así a erosión e deterioro desta zona ocasionado polas avenidas periódicas producidas no devandito contorno.
Igualmente, este novo investimento contempla a execución dunha nova pasarela de madeira na zona central da praia e un aparcamento co fin de mellorar o estacionamento e accesibilidade da mesma.
Tal e como sae publicado hoxe no Boletín Oficial do Estado, o proxecto de melloras na praia de Llás foi adxudicado á empresa Xestión Ambiental de Contratas SL.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
