Viveiro, 9 de febreiro, 2023. Baixo o lema “Namórate do comercio local” a asociación de comerciantes pon en marcha a partir do 10 de Febreiro a campaña de San Valentín 2023.
Realizaremos un sorteo moi divertido nesta campaña, xa que os premios a gañar son 3 Kits de “Como sobrevivir a San Valentín si esqueciches mercar un agasallo”.
O xeito de conseguir un destes 3 Kits será moi sinxelo. Colocamos un Photocall de corazóns xunto cun banco de madeira que indica “Bícame aquí”, para que a xente se sente e saque fotos divertidas e amorosas. O lugar onde está ubicado o photocall é a Praza Maior de Viveiro.
Despois terán que subir as fotos xunto cun ticket de compra de calquera dos negocios asociados ó CCHV á web https://viveirocentro.com/sorteo-san- valentin/ ou escaneando o código QR que está no propio Photocall.
Entre tódalas fotos e tickets recibidos (unha vez comprobado que pertencen a negocios asociados) sortearanse eses 3 divertidos premios. O número asignado para o sorteo será o de orde de entrada no enlace da web e o sorteo realizarase a través dunha aplicación de sorteos de números aleatorios.
Os gañadores daranse a coñecer o xoves 16 de febreiro e o contido dos Kits será sorpresa ata o momento da entrega ós gañadores.
A campaña comeza o 10 de Febreiro e remata o 15 de Febreiro. Todo o recibido a partir desa data non se contabilizará para o sorteo.
A finalidade deste concurso é a promoción da campaña de San Valentín de Viveiro, potenciar a compra no comercio local, facer unha actividade divertida e de paso botar unha man a todos aqueles despistados/as que se lles pase o detalliño destas datas.
Ó longo deste dias ambientaremos as rúas con música romántica a través do fío musical instalado por todo o centro de Viveiro. Animamos á xente a participar no sorteo, mercar en Viveiro, sacar unha foto divertida no photocall, pasear polas rúas desfrutando do seu ambiente, do bo tempo e da nosa hostalaría.
Porque en Viveiro, como dí o lema da campaña “Namorámonos do comercio local”, un comercio profesional e cun trato persoal, e sobre todo un comercio que da vida á nosa vila.
Con esta iniciativa intentamos dinamizar esta data comercial importante para o comercio local, poñendo en marcha iniciativas e premios novidosos e distintos ós realizados con anterioridade , e acadar que Viveiro continúe a ser, unha vez máis, referente de compras en toda a comarca, sempre contando ca colaboración da Xunta de Galicia e do Concello de Viveiro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
