O equipo burelés perde unha bonita oportunidade para recuperar a segunda posición na clasificación, pero segue tendo ben asegurado o posto para os playoff
Burela, 19 de febreiro, 2023. Outro derbi galego máis, grazas ao grande número de equipos das catro provincias galegas en Primeira Federación Feminina, nesta xornada 19 na que se celebraron dous importantes encontros en Galicia, o Poio Pescamar – Viaxes Amarelle, que empatou 1-1 na localidade pontevedresa, e o Ourense Envialia – Pescados Rubén Burela FS que tivo lugar no Pavillón Municipal Os Remedios de Ourense, ás 12.00 horas desta mañá. En xeral o Pescados Rubén dominou o partido, aínda que faltou o tino e encontrouse a un Ourense que gañou en intensidad e precisión.
Na primeira parte o Burela FS non comeza coa enerxía e bo facer que o soe definir, con poucas ocasións de gol por parte de ambos equipos. No minuto 13 pídese o primeiro tempo morto e comeza a apreciarse a superioridade do Burela, que empeza a apertar máis e a ter oportunidades máis claras, como un tiro de Irene Samper no minuto 14, despois dun saque de banda de Cilene, que se vai fóra da portería. No minuto 15 o Pescados Rubén ten unha dobre ocasión, empezando con Patricia cunha clara oportunidade tras un xogadón e bo pase de Peque, pero atópase con a man da porteira do Ourense, Vane, que fixo un moi bo partido. Na seguinte xogada Emilly volve atoparse con Vane tras un tiro directo dende a banda. No minuto 18 Patricia volve ter outra ocasión clara que para Vane e pouco despois o Ourense ten unha de as ocasións máis clara do encontro nunha posición perfecta para o gol tras un corner, pero Marta non logra acadar o disparo a portería. Pouco despois, a 11 segundos do descanso, Iria Saeta mete o 1-0 tras unha recuperación de balón de Candela en campo contrario.
Na segunda parte comeza o encontro de novo bastante igualado e no minuto 26 Irene Samper empata cun golazo despois dun fallo nun pase do Ourense que recupera a mesma Irene a media pista. No minuto 27 o equipo ourensán aperta ao Burela que aguanta pero continúa tendo ocasións erradas: no mesmo minuto, de novo Irene Samper nunha acción individual e posteriormente no 32, a capitá Peque outra ocasión cun tiro directo a portería. Un minuto despois Jenny Lores adianta o marcador para o Ourense Envialia 2-1 e a pesar da insistente procura do gol por parte do Burela, que presiona con Patricia de porteira-xogadora durante o que resta do partido, non consegue o empate e non puntúa esta semana na clasificación. Aínda que o Pescados Rubén Burela FS foi superior durante todo o encontro en xeral, non estiveron á altura dun Ourense que soubo defender a súa portería e aproveitar as ocasións que se lle brindaron para gañar o partido.
Grazas aos axustados resultados nos altos postos da clasificación, empatando o Futsi Atlético Navalcarnero contra o Sala Zaragoza e o Poio Pescamar contra o Viaxes Amarelle, así como a derrota do Torreblanca Melilla ante o Alcorcón, o Burela FS mantén o terceiro posto na táboa con 47 puntos, a tres puntos do Poio e a 5 do Futsi.
Son dúas saídas seguidas sen gañar e é doloroso para o equipo laranxa, pero toca repoñerse e prepararse o mellor posible para o partido do mércores de Semifinais da Copa Galicia contra o Poio Pescamar.
Ficha Técnica Ourense Envialia – Pescados Rubén Burela FS:
Ourense Envialia: Vane (P), Candela, Chiky, Vero, Clara Fernández – cinco inicial -, María Arias, Iria Saeta, Marta (C), Sara Moreno, Jenny Lores, Cèlia, Zaide Pérez, Uxía Rodríguez (P).
Pescados Rubén Burela FS: Caridad (P), Dany, Cilene, Jenny, Emilly – cinco inicial- Peque, Patricia, Antía, Irene Samper e Jozi (P).
Goles: Min.19 Iria Saeta 1-0; min.26 Irene Samper 1-1; min.32 Jenny Lores 2-1.
Equipo Arbitral: Borja Darriba Villamor, Daniel López López, Germán Fernández Dacosta, Óscar Luis Gulín Piñeiro.
———————————————————–
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
