Carmela González Iglesias: “un sector pesqueiro sen discriminación é unha débeda con miles de mulleres invisibles”, explicou, xa que de 63 confrarías só 3 teñen ao fronte unha muller
Santiago de Compostela, 28 de febreiro 2023. O BNG emprazou ao Goberno do PP a cumprir co acordo unánime do Parlamento para a crear un Observatorio galego da igualdade entre homes e mulleres no sector pesqueiro, marisqueiro e acuícola. Un Observatorio que debe ser consensuado co sector para aplicar as políticas de igualdade no seo do traballo no sector do mar.
A deputada do BNG, Carmela González Iglesias, declarou que, tras celebrarse eleccións para a renovación dos órganos de goberno das confrarías e federación de pescadores galegas, só tres teñen hoxe ao fronte unha muller, “unha representación que non reflexa o peso das mulleres no sector do mar xa que, como se indica con anterioridade, as mulleres constitúen o 29,3% das persoas socias das confrarías”, detallou, o que fai todavía máis necesaria a pronta implantación deste Observatorio.
“Para que estamos aquí se os acordos unánimes que tomamos neste Parlamento non son cumpridos pola Xunta?”, preguntou a deputada nacionalista á bancada popular, á que tamén lle lembrou a obrigatoriedade da Xunta a cumprir os acordos unánimes da Cámara.
De feito, incidiu González Iglesias, a presenza das mulleres nos órganos de dirección das confrarías reduciuse nestas eleccións, pasando de 5 patroas maiores elixidas nas eleccións de 2018 á só 3 nestas últimas. Unha discriminación “que as mulleres sofren no seu traballo día a día”, criticou a deputada nacionalista, xa que situación da muller no sector do mar segue a ser “profundamente desigual”. Polo que é preciso, emprazou, acadar “un sector pesqueiro sen discriminación, que é unha débeda con miles de mulleres invisibles”.
Unha situación de discriminación, argumentou a parlamentaria do Bloque, na que só o 29,3% das persoas socias das confrarías son mulleres. “Pasaron xa catro meses e non escoitamos ningunha análise ou valoración en chave de xénero sobre isto por parte do Executivo do PP. Ninguén fixo ningunha valoración deste resultado”, recriminou. xa que a escasa presenza das mulleres nos órganos de dirección do sector do mar en Galiza “é o reflexo da súa situación de desigualdade”.
É por isto que a deputada viguesa cualificou o traballo do Goberno do PP no eido da igualdade como “cuestionable” e denunciou a actitude da conselleira do Mar “pola súa negativa a ampliar o número de mulleres no Consello Galego de Pesca”. Ademais, emprazou á Xunta a dar cumprimento “de xeito inmediato a este acordo, porque non temos ningunha necesidade de agardar máis”.
Un Observatorio, emprazou a deputada do Bloque, que elabore “un mapa da actual situación da muller no sector do mar e que “visibilice a todas estas mulleres hoxe invisibles” e no que cobra especial relevancia o papel da administración pública, aclarou, “en colaboración coas universidades galegas, nas que hai excelentes profesionais nesta materia”. Asunto que volveu a acadar, de novo, o voto unánime de todas as forzas políticas no Parlamento, que repetiron a súa encomenda á Xunta para poñer en marcha este órgano de xeito inmediato.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
