Ribadeo, 1 de marzo de 2023. A principios do ano 2008 nacía en Ribadeo a empresa Faro Norte Comunicación, polo que esta firma que dirixe desde entón a xornalista Carmen Cruzado acaba de cumprir 15 anos.
Nestes 3 lustros en Faro Norte ocupámonos da comunicación e a relación cos medios de concellos, grupos políticos, establecementos e outros negocios, asociacións empresariais e colectivos culturais, deportivos, veciñais, etcétera. Tamén levamos a cabo a coordinación, redacción e distribución de publicacións, como boletíns informativos e folletos, para diversas entidades. Contamos con locutores para a gravación de cuñas radiofónicas, audios de spots para televisión e cine, megafonías, etc. E xestionamos publicidade para os nosos clientes en xornais (en papel e dixitais), radios, televisións e cine.
No verán do 2014 publicamos o libro A praia das Catedrais e as súas contornas, dedicado aos principais atractivos da provincia de Lugo, partindo desde o famoso areal ribadense. Foi escrito por Carmen Cruzado e Beni Mántaras e prologado pola recoñecida xornalista Esther Eiros.
En febreiro de 2015 puxemos en marcha a publicación dixital Faro Ocio Norte (www.faroocionorte.com), que ofrece diariamente información sobre diferentes actividades que se celebran na Mariña, para o que conta con seccións como certames, charlas, cine, cursos, deportes, eventos, exposicións, gastronomía, libros, música e teatro.
Desde 2015 editamos A Gaceta Ribadense, xornal que sae anualmente no mes de xullo con motivo da celebración do Ribadeo Indiano e que lembra aos diarios da época que se recrea neste evento.
No verán de 2016 elaboramos a guía turística en inglés The North of Lugo, unha iniciativa que desenvolvemos conxuntamente coa Asociación de Profesores de Automoción de Galicia (APAGA).
No outono de 2016 organizamos dúas Xornadas de Comunicación, Gastronomía e Promoción do Turismo no Litoral de Lugo, promovidas pola Federación de Comercio A Mariña (FCAM) e que contaron con destacados xornalistas con ampla traxectoria en medios estatais e autonómicos: Pepa Sastre, Luis Fraga, Pedro Pablo G. May, David del Cura, Javier Cancho e José Manuel García, que se desprazaron ata A Mariña para participar nesta iniciativa. Tamén xestionamos a emisión desde esta zona en catro ocasións do programa radiofónico estatal sobre turismo Gente Viajera, dirixido e presentado por Esther Eiros, acompañada de prestixiosos xornalistas especializados en información turística que colaboran en diversas publicacións sobre viaxes nacionais e internacionais, o que supuxo que algúns dos principais atractivos turísticos da Mariña se visen reflectidos en numerosos medios.
Para facer balance Carmen Cruzado explica que nestes máis de 5.000 días en Faro Norte Comunicación “houbo momentos moi bos e outros non tanto, pero o fundamental hoxe é darvos as grazas a todas e a todos os que percorrestes connosco este camiño: os nosos clientes e tamén os compañeiros que traballan nos medios cos que mantemos un contacto permanente. En Faro Norte Comunicación sempre nos poñemos na pel do noso cliente, porque el é o máis importante, e queremos seguir así -paso a paso pola senda dos valores e dos principios que nos inculcaron- outros 15 anos polo menos”.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
