O investimento ascenderá a preto de 140.000€ realizándose ao abeiro dun convenio coa área de deportes da Deputación de Lugo
Barreiros, 3 de marzo de 2023. O Concello de Barreiros vén de anunciar un novo investimento nas instalacións deportivas municipais, consistente na renovación da cuberta do pavillón municipal, situado en San Cosme.
Este investimento, que se realizará ao abeiro dun convenio coa área de Deportes da Deputación Provincial, ascenderá a máis de 139.000 euros. Con estas obras preténdense solucionar os problemas de goteiras existentes en dita instalación, cuxa cuberta, de preto de 30 anos, presenta un importante estado de deterioro que non é posible arranxar.
O concelleiro de dinamización, Dani García, encargado da área de deportes municipal explica que nos últimos catro anos se investiron en arranxos en dita cuberta máis de 7.200 euros; sen que se lograse unha reparación eficiente da problemática; debido ao desgaste das chapas existentes.
Neste sentido, o proxecto realizado polos servizos técnicos municipais afrontou a necesitade de instalar unha nova cuberta que garanta as condicións necesarias para o uso do pavillón municipal sen incidencias de ningún tipo. Incorpora así a colocación de panel sándwich de aluminio de 70mm de espesor de illamento, a colocación de lucernario no pico da cuberta e ambos lados da mesma, de forma lonxitudinal, con pranchas de policarbonato de 80mm de espesor, os remates de cumbreira e perimetrais con chapa de aluminio, a instalación de canalóns interiores e a súa conexión coas baixantes existentes e os remates cos paramentos verticais de fachada.
A alcaldesa sinalou a importancia de afrontar este investimento nunha instalación que dá servizo a unha parte moi importante da poboación, xa que é utilizada a diario polas escolas deportivas municipais, polos equipos locais de fútbol sala e por asociacións deportivas. Ademais acolle en numerosas ocasións outro tipo de eventos sociais, como o pasado entroido que se trasladou a esta instalación por causas meteorolóxicas.
Ana Ermida quixo agradecer a disposición da área de deportes da Deputación, dirixida por Efrén Castro, que achegará a totalidade da axuda necesaria para levar a cabo dita obra. O Concello de Barreiros tamén solicitara axuda para este investimento á Xunta de Galicia, que non se fixo efectiva ao non existir liñas de axuda neste momento para tal fin.
En calquera caso, a alcaldesa manifestou a intención do goberno municipal de continuar realizando investimentos nas instalacións deportivas -coma o espazo do ximnasio municipal-, para mellorar e permitir o seu uso en condicións de seguridade, ao igual que xa se tramitou para a pista de pádel. Neste sentido, asegura que continuarán “buscando axudas de todas as administracións para poder afrontar investimentos que no caso do Concello de Barreiros son inasumibles en solitario. Por iso, tamén imos priorizando os mesmos en función dos servizos e das persoas beneficiadas polos mesmos.”
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
