Lugo, 3 de marzo de 2023. A Vicepresidencia da Deputación de Lugo solicitou á Xunta de Galiza autorización para realizar traballos de estabilización e consolidación na Torre de Caldaloba, en Cospeito.
Atendendo ao deber legal que lle atribúe a Lei de Patrimonio Cultural de Galicia, que obriga aos titulares de dereitos sobre bens protexidos a evitar a súa destrución ou deterioro, a Vicepresidencia da Deputación de Lugo elaborou o proxecto para intervir nas fachadas Noroeste e Suroeste da Torre, que debe contar coa autorización da Dirección Xeral de Patrimonio.
A vicepresidenta da Deputación de Lugo Maite Ferreiro explicou que “o proxecto contempla as actuacións máis urxentes para conter o deterioro da Torre e garantir a seguridade na contorna”. Nese sentido lembrou que “ademais do mal estado dos elementos construtivos e auxiliares de substentación, a carón da fachada principal hai un pozo que precisa dunha protección adecuada” e pediu á Xunta de Galicia “que estude o proxecto coa máxima axilidade posible para que desde a Deputación de Lugo se poidan licitar e levar a cabo os traballos”.
Maite Ferreiro explicou que “con estas intervencións seguimos adiante coa folla de ruta prevista para acadar a titularidade pública da totalidade da Torre e desenvolver un proxecto de recuperación, consolidación e posta en valor que reflicta a súa importancia patrimonial, histórica e simbólica para Galiza”.
O proxecto, que foi comunicado á Xunta de Galicia o pasado 23 de febreiro e que conta cun orzamento base de licitación de 41.200 euros, recolle diferentes actuacións sobre as fachadas Noroeste e Suroeste da Torre do antigo castelo de Vilaxoán:
– Limpeza de vexetación nas dúas fachadas e na coroación dos muros de cachotería mediante a retirada manual de plantas e raíces.
– Substitución e reparación dos elementos de cimbra de madeira do interior da Torre.
– Recolocación ou substitución da cuberta de chumbo instalada en 1998.
– Inxección de morteiro de cal sobre muros e fábricas de ser necesario.
A Deputación de Lugo é propietaria dunha das parcelas nas que se ubica a Torre, unhas dúas hectáreas de terreo que inclúen a metade da edificación -53 metros cadrados de planta e as fachadas noroeste e suroeste- e o sistema de fosos e contrafosos defensivos do perímetro da edificación.
Trátase dunha parcela adquirida pola institución provincial a través dun acordo de Xunta de Goberno tomado o 29 de xullo e ratificado coa inscrición da compra e venda en documento público o pasado 21 de outubro.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
