Ribadeo, 8 de marzo do 2023. O Concello de Ribadeo presentou este luns a súa candidatura para o financiamento procedente dos fondos europeos Next Generation dun proxecto que pretende transformar e desconxestionar a contorna da praia das Catedrais e que implicaría un investimento de 2,5 millóns de euros, segundo deu a coñecer hoxe o concelleiro de Desenvolvemento Local e Turismo, Pablo Vizoso.
O edil ribadense explicou que “este proxecto comprende a realización de varias actuacións. A principal consistiría na posta en marcha do novo aparcadoiro, coherente co xa establecido no Plan Especial de Protección de As Catedrais, co obxectivo de aumentar a protección do espazo natural, de despexar o entorno da praia, crear un fluxo de vehículos adecuado e unha regulación propia do aparcamento. Sería un aparcamento con capacidade para acoller a unha media de 3.300 persoas diarias, dotado de control de acceso intelixente, con puntos de recarga para vehículos eléctricos e tamén cun sistema de alumeado alimentado con enerxía solar”.
Vizoso Galdo indicou que “adicionalmente contémplanse outras actuacións non menos importantes como a creación dunha área de acollida e recepción aos visitantes, a implantación dun sistema de intelixencia turística e a creación dun sistema de bicicletas eléctricas con estacións en Ribadeo, Rinlo e na propia praia das Catedrais. E hai unha terceira actuación máis relacionada coa dinamización económica, que consiste na creación dun sistema de fidelización asociado ao propio aparcamento de Augas Santas, para fomentar o gasto no comercio e nos establecementos locais co obxectivo de aumentar o impacto económico no resto do concello de Ribadeo, creado polas visitas á praia das Catedrais”.
O concelleiro de Turismo engadiu: “estimamos que esta convocatoria de axuda se resolva a primeiros do mes de maio e de resultar favorable suporía un revulsivo total para o turismo e para a actividade comercial de Ribadeo incrementando notablemente tamén a protección do espazo natural deste areal e a súa comprensión e o seu disfrute dunha maneira máis sostible e integral”.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
