Pérez denunciou o papel dunha Unión Europea “que si lle molesta a pesca de artes de fondo pero non lle importan os 400 muíños que o goberno central quere plantar na costa galega”
Santiago de Compostela, 14 de marzo 2023. O BNG obtivo o voto unánime da Cámara para que a Xunta leve ao cabo un plan de actuación diante da UE e do Estado de acordo co sector do mar para impedir que a futura posta en marcha do Plan de Acción da Unión Europea afecte negativamente á frota pesqueira galega.
Estas medidas emprazadas por Europa foron elaboradas “sen ningún estudo de como afectarán aos territorios altamente dependentes da pesca, como Galiza, como se incrementarán as importacións, como subirá o prezo dun alimento básico e esencial para a poboación”, lembrou a portavoz de Pesca, Rosana Pérez, que quixo deixar constancia do esencial que supón para o País un sector, o da pesca, “vital e que precisa gobernos que o defendan”.
Unha prohibición á pesca de arrastre e de artes de fondo que é rexeitada polo sector do mar, “que non entende unha medida que consideran desproporcionada, sen solidez científica e que aumentará a dependencia da UE das importacións pesqueiras de terceiros países”, remarcou Pérez.
As medidas, que son continuidade da prohibición de 87 zonas nas que xa se aplican restricións e que “acabaron afectando ao palangre de fondo, curiosamente o arte máis selectivo e que ten un impacto máis limitado no fondo mariño”, sinalou; un aspecto no que coincide o persoal investigador do Departamento de Economía Aplicada da USC “que non ve viabilidade de manter esta prohibición e que, segundo datos do propio sector, xa está a minguar as capturas nun 40%”, criticou.
“Hai pouco coñecemos que a Comisión Europea non só pretende protexer un 30% das augas europeas en 2030, senón que pretende que un 20 dese 30% sexa definido polos Estados membros antes de marzo de 2024 e pechado á frota de artes de fondo” o que evidencia “que para a UE a pesca galega é un inimigo a bater”, recriminou a portavoz de Pesca.
Fronte esta situación, Pérez subliñou que, de momento, as medidas de Europa “son unha recomendación”, o que deixa a porta aberta para que os gobernos central e galego “poñan por diante os intereses da frota pesqueira e de todo o sector do mar e defendan o mantemento da actividade”, o que evitaría o despezamento de barcos, ameaza que hoxe sobrevoa por riba do sector.
Para o Bloque, sinalou a parlamentaria nacionalista, xa non caben máis decisións “ao chou e sen os pertinentes informes” polo que demandou esixir á UE que “calquera medida que se adopte se basee en estudos científicos rigorosos e actualizados sobre o estado dos recursos, atendendo ao impacto socioeconómico que podería causar e, moi importante, en diálogo permanente co sector”.
Emprazamento, lembrou Pérez, ao que se lle suma o acordo do pasado 22 de novembro na Cámara galega onde se reclamou ao Goberno do PP esixir ao goberno central “medidas de compensación económicas necesarias para paliar as consecuencias que xa está a ter o peche das 87 áreas de pesca no sector pesqueiro galego de artes de fondo”.
É por isto que a proposta do BNG volveu reiterar a súa demanda á Xunta para que “diante do que se aveciña, sexa áxil”, reiterou a portavoz de Pesca, e que programe e leve a cabo un plan de actuación diante da UE e do Estado, “sempre de acordo co sector, para impedir que a futura posta en marcha do Plan de Acción volva a afectar á nosa frota”, concluíu.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
