NOTA DE PRENSA:
A XUNTA INVESTIRÁ PRETO DE 300 MIL EUROS EN REFORZAR A ESTRUTURA DA LONXA DE FOZ E ADAPTALA ÁS NOVAS NECESIDADES
A Consellería de Mar anuncia a licitación urxente das obras, que terán un prazo de execución de catro meses
Raquel Arias valorou “a celeridade” que se imprime á contratación deste proxecto, que permitirá o uso do edificio como nave de redes
Lugo, 31 de agosto de 2010.- A Consellería do Mar anunciou hoxe a licitación pola vía de urxencia das obras de reforzo estrutural da lonxa de Foz, ás que destina un orzamento de 294.605 euros e que contarán cun prazo de execución de catro meses.
A delegada territorial, Raquel Arias, valorou a celeridade que se imprime ao procedemento de contratación deste proxecto, que “permitirá incrementar a seguridade do edificio e adaptalo ás novas necesidades”. Arias subliñou a importancia de “traballar en coordinación coas confrarías de pescadores” e “introducir progresivamente melloras nas condicións de traballo en lonxas e portos”.
En concreto, lembrou, “estes traballos resolverán o problema de cimentación que presenta a lonxa na actualidade, que ademais adoece dun sistema estrutural na planta baixo cuberta que dificulta a incorporación do novo uso que se lle pretende dar como nave de redes”.
A cimentación será reforzada mediante un sistema baseado en micropilotes, o que esixirá a demolición de parte do pavimento e a realización de labores de escavación. Colocaranse dous pórticos mediante celosías metálicas, enfoscados e rematados con pintura resistente á corrosión e aos impactos, a mesma que se utilizará na pavimentación desta zona.
Na primeira planta realizaranse melloras nas divisións interiores para identificar claramente tres zonas de traballo: Un vestíbulo de distribución, unha sala de reunións e un área para almacén e arquivo.
Igualmente, nesta planta procederase a colocar un pavimento de gres porcelánico, ao tempo que se reinstalan as redes de baixa tensión e de telecomunicacións.
Este proxecto complementa as actuacións de habilitación do edificio para nave de redes, que superaron os 40.000 euros de investimento e incluíron un estudo xeotécnico e un contrato menor de obras para o acondicionamento interior.
As empresas interesadas en concorrer ao contrato dispoñen ata o día 13 de setembro de prazo para presentar as súas ofertas, e poden consultar as bases da convocatoria na páxina www.contratosdegalicia.es.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
