O Peñíscola logra o pase directo a Primera Federación cunha vitoria de 3-1 moi reñida e outro partidazo do Pescados Rubén Burela FS que estivo a moi bo nivel, superior en moitas ocasións
Burela, 15 de abril, 2023. Ás 18.00 horas no Pavillón Juan Vizcarro disputouse o encontro da xornada 26 de Segunda Federación de Futsal Masculino, Peñíscola FS – Pescados Rubén Burela FS, que rematou cun resultado final 3-1 outorgando de forma matemática o pase directo a Primeira Federación ao Peñíscola FS, ao cal felicitamos dende o club.
Na primeira parte o equipo mariñán é bastante superior ao rival aínda que non atopa o gol. No minuto 6 Cristian adianta o marcador tras unha situación de ataque posicional, unha acción colectiva e unha situación de segundo pau que o equipo levantino gana ao Burela. A partir de aí o partido móstrase parello con máis ocasións claras para o Pescados Rubén e no minuto 15 Pani mete o 2-0 cun gol de penalti, decisión bastante cuestionada pola afección laranxa. O Peñíscola ponse con 5 faltas pero o Burela non logra atopar o gol.
Na segunda parte tamén volve estar o encontro bastante homoxéneo, de novo con moitas ocasións moi claras para un Burela que non atopa o gol ata o minuto 35 cun golazo de Rikelme nun disparo directo de falta desde fóra da área. Tras o 2-1 o equipo burelense provoca varias ocasións claras, unha de Lucho e outra de Pitero, que a punto estiveron de empatar o encontro pero chega o 3-1 nunha transición no minuto 38 cun gol de Praza. Tras intentalo co porteiro-xogador, cun Juan Vizcarro en pé apoiando ao seu equipo no seu xa palpable ascenso e pouco tempo para remontar, o encontro queda 3-1.
David Rial móstrase contento co seu equipo que tivo moitas ocasións e fixo moi bo partido, sendo superiores ao rival en moitos momentos. Vólvense a Burela sen os tres puntos pero celebrando que, tras os resultados desta xornada, están matematicamente clasificados para xogar os playoff.
Ficha Técnica Peñíscola Fs – Pescados Rubén Burela FS
Peñíscola FS: Starna (P), José Mario, Agustín Plaza, Pani, Diego Sancho – cinco inicial -, Cristian, Juanqui, Luciano Gauna, Carlos Saladié, Nico Rosental, Víctor Pérez, Elías, Diego Quintela, Gus (P)
Pescados Rubén Burela FS: M. Kaluza (P), Lucho, Pitero, David Pazos, Eloy – cinco inicial -, Nito, Isma, Nando, Rikelme, Alberto, Antón Arnejo, Bruno (P).
Goles: Min.6 Cristian 1-0; min.15 Pani 2-0 (Penalti); min.35 Rikelme 2-1; min.38 Agustín Plaza 3-1.
Equipo Arbitral: Félix Daniel Miguel Velasco, Rubén Miguel Velasco, Adrià Pla Merino, Víctor López Rodríguez.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
