O aspirante popular di que é absurdo falar dun terceiro acceso porque é innecesario e porque os dous actuais son suficientes e estarán operativos durante moitos anos, polo que hai que acometer as melloras precisas
Foz, 19 de abril de 2023. O candidato popular á alcaldía de Foz, Javier Castiñeira, desenvolve, xunto co seu equipo, o programa de reunións con asociacións de veciños. As dúas máis recentes foron coas directivas das asociación de Vilaxoane e de Marzán, que, cada un polo seu lado, son os barrios que constitúen as entradas a Foz. Castiñeira sinala: “O Partido Popular ve prioritario que nos próximos anos se arranxen as dúas entradas de Foz; están moi necesitadas de melloras, tanto no seu aspecto como na súa funcionalidade e na seguridade, especialmente dos peóns. É preciso cambiar e mellorar o alumeado público das dúas entradas, tanto en Vilaxoane como en Marzán; hai que mellorar tamén as beirarrúas e darlle aos dous barrios aspecto de núcleos urbanos”.
Castiñeira explica que “esas dúas entradas a Foz foron facéndose a parches e teñen moi pouco sentido en canto a ordenación urbanística”. Di que “así o solicitan as asociacións de veciños, coas que estivemos reunidos, destes dous barrios importantísimos de Foz, nos que vive moitísima xente; son barrios que medraron moito e que hai que integrar na trama urbana da vila”.
Castiñeira sinala: “Agradecemos a dispoñibilidade das directivas das asociacións de veciños de Vilaxoane e de Marzán. Aportaron propostas e suxestións que teremos en consideración no plan para os próximos catro anos; son factibles para o Concello de Foz e pódese xestionar a axuda doutras administracións”.
Na reunión, abordáronse cuestións centradas “basicamente nos servizos prioritarios; entendemos que hai que intentar atendelas o antes posible”. Os populares din que “nestes pasados catro anos pouco ou nada se fixo nestes dous barrios, que deben ser totalmente integrados na trama urbana; neles vive moita xente, hai segundas residencias e vivendas en proxecto”.
Castiñeira destaca que “as entradas son a primeira imaxe que ofrece Foz a propios e a visitantes e non podemos falar de terceiro acceso cando temos os dous fundamentais, e que o seguirán sendo durante moito tempo, absolutamente abandonados”.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
