Usuarios e usuarias de oito entidades participan na iniciativa da Deputación, grazas á que visitarán o patrimonio natural e cultural de municipios como Bóveda, Monforte, Barreiros ou Viveiro
Lugo, 2 de maio de 2023. Un total de 170 persoas de 8 asociacións participarán ao longo desta semana no programa Coñece a túa provincia da Deputación de Lugo, grazas ao que visitarán o patrimonio natural e cultural das comarcas da Ribeira Sacra e A Mariña. A iniciativa, que vai pola súa terceira edición, está destinada a colectivos sen ánimo de lucro co obxectivo de fomentar o turismo de proximidade.
Este martes a xornada estivo protagonizada por dúas entidades da Pastoriza. Por unha banda, a Asociación Medioambiental e Sociocultural de Veciños de Bretoña visitaron o Pazo de San Marcos e, posteriormente, puxeron rumbo a Bóveda e á Pobra do Brollón. Por outra banda, a Asociación Cultural e Veciñal de San Martín de Corbelle visitou en Lugo o Centro de Interpretación Terras do Miño e continuou a viaxe a Pantón e Carballedo, onde coñeceron o patrimonio románico da localidade.
Mañá mércores será a quenda de dous colectivos de Chantada, que visitarán A Mariña. A Asociación de Familiares de Enfermos de Alzheimer coñecerá o Mazo de Santa Comba e a ANPA do IES Val do Asma Nicanor Rielo achegarase ao traballo da Produtora de Audiovisuais da institución provincial. Ambas asociacións percorrerán seguidamente o paseo marítimo de Barreiros, e as praias das Catedrais e Rinlo, en Ribadeo. A viaxe rematará cunha visita ao centro histórico da vila ribadense.
Tamén A Mariña será o destino na xornada do xoves. Por unha banda, a Asociación de Mulleres Rurais Alfinete, de Lugo, visitarán o Mazo de Santa Comba e logo achegaranse a Xove e Viveiro. Por outra banda, a Asociación de Veciños Torre de Arcos, de Chantada, farán a primeira parada no Centro de Interpretación Terras do Miño e para poñer despois rumbo a Burela e Foz.
O venres, a Asociación de Pais e Nais de Alumnos do IES Enrique Muruais, da Pontenova estará no Pazo de San Marcos antes de desprazarse a Sober e Monforte. A última entidade beneficiaria desta semana é a Asociación de Veciñas e Veciños de San Cosme de Piñeiro, da Pastoriza, que visitarán o Mazo de Santa Comba e o patrimonio de Sober.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
