Foz, 3 de maio de 2023. O alcalde de Foz, Fran Cajoto, informa que o último pleno deste mandato, que se celebrará o xoves 18 de maio, incluirá na orde do día a proposta da Alcaldía para a adxudicación do contrato do Servizo de Axuda no Fogar (SAF) na modalidade de dependencia do Concello de Foz. Por outra parte, os servizos técnicos están a traballar na licitación do novo contrato da residencia de maiores e centro de día.
Sobre o SAF, o rexedor municipal explica que “é un contrato complexo, cun prazo de duración de 3 anos e un de prórroga, para un valor estimado de máis de 6,5 millóns de euros. A empresa proposta para a adxudicación ofertou o número máximo de horas recollidos no prego: neste novo contrato de axuda no fogar, ademais do servizo de 74.400 horas previsto, imos dispoñer dunha bolsa de horas anuais adicional de 1.100 horas. Ademais a oferta inclúe uns servizos complementarios que consideramos fundamentais e que non existían: de forma anual imos dispoñer de 315 servizos de podoloxía, 208 de fisioterapia e 300 de perruquería”.
Fran Cajoto destaca que “todo isto redunda no beneficio das persoas máis vulnerables, dos dependentes e das súas familias. A empresa proposta para a adxudicación ofertou ademais unha serie de axudas técnicas que superan en número ás recollidas nos pregos: 15 discos, 5 andadores, 20 coxíns antiescaras, 3 cadeiras de rodas, 3 camas articuladas, 3 grúas de mobilización, 10 muletas, 15 patas de elefante e 15 táboas. Son novos medios técnicos para mellorar a atención e aumentar a calidade de vida”.
A empresa adxudicataria proposta pola mesa de contratación é Servizos Sociosanitarios San Roque, que ofertou un prezo por hora de servizo de 17,88 euros (IVE 4% excluído).
Residencia e Centro de Día
O alcalde engade que “o Concello de Foz tamén está a facer os seus deberes coa Residencia e Centro de Día de Foz, ante a negativa do Consorcio Galego de Igualdade e Benestar de asumir a xestión do servizo garantindo a estadía a residentes e mantendo o seu posto aos traballadores. Os servizos técnicos e xurídicos municipais están xa a analizar o Estudo de Viabilidade entregado pola empresa asesora, estudio necesario para a licitación de contratos de concesión de servizos segundo a lei 9/2017 de Contratos do Sector Público. Para a continuidade do servizo ata a nova licitación, o Concello realizou un estudo técnico que determinou as cantidades a abonar unha vez finalizado o pasado 16 de xaneiro o período inicial de contrato da actual adxudicataria. O Concello realizará nesta primeira quincena de maio os pagos correspondentes ás facturas dos meses de febreiro e marzo, unha vez finalice o período de exposición pública no BOP do suplemento de crédito aprobado no pleno do mes de marzo, necesario para prover de fondos ao Concello para o pago das mesmas”.
A actual adxudicataria do servizo é Servicios Socio Sanitarios de Galicia SL, constituída o 22 de febreiro de 2019, que ten proposto como administrador concursal polo xulgado a Moreno Yoldi y Moreno Laborda Asociados SLP.
“O noso compromiso é cos residentes e as súas familias, cos traballadores e coa legalidade. Cumprimos sempre escrupulosamente coa palabra dada, a atención aos maiores é unha prioridade”, destaca o alcalde.
E a concelleira Ana Rojo informa doutras accións da Concellería de Asuntos Sociais: “cada día aumentan as persoas desfavorecidas que nos solicitan axudas, tanto do roupeiro como do banco de alimentos. Como servizos do Concello nutrimos o banco de todos aqueles alimentos necesarios para unha alimentación equilibrada, facendo fincapé nos lácteos, carnes, legumes, pasta, froitas ou verduras. A pesar da subas de prezos dos alimentos facemos un reparto, mensual, semanal ou incluso diario segundo os casos e as circunstancias das familias”.
Ana Rojo engade: “recuperamos tamén os excedentes en perfectas condicións para o consumo de embalaxe e refrixeración dos supermercados Alimerka e Mercadona. Agradecemos de maneira especial todas aquelas iniciativas tanto de índole privado como de empresas, institucións, fundacións ou asociacións nas doazóns de alimentos para ás familias, toda vez que conciencian e fomentan a solidariedade no noso pobo”.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
