Entre as cuestións que máis preocupan ao alcaldable é o déficit de socorristas nas praias do concello e a obtención da depuradora de San Miguel e Reinante
Barreiros, 4 de maio de 2023. O PP en Barreiros presentou unha candidatura “renovada e implicada ao máximo co municipio e os veciños” para as vindeiras eleccións municipais, co obxectivo de acadar uns resultados que lles permita gobernar. A presentación, que tivo lugar onte pola tarde no Restaurante La Yenka, contou coa presenza da conselleira do Mar, Rosa Quintana, o coordinador xeral do PP lucense, José Manuel Balseiro Ourol e alcaldes e representantes do PP dos concellos da comarca.
Gómez Puente destacou que a lista “ten unha alta representación de mulleres e confórmana persoas que son referentes nas súas parroquias, xente traballadora e con moitas ganas de mellorar a calidade de vida dos veciños”. Neste sentido, resalta tamén a presenza sociosanitaria: “cremos que é moi relevante que teñamos tantas persoas do eido sanitario pola súa cercanía e humanidade coa xente, clave para levar a cabo o noso proxecto”.
Durante o encontro o alcaldable destacou as principais liñas coas que queren traballar se chegan a gobernar. Un dos principais problemas que ten Barreiros é o déficit de socorristas nas prais do Concello e por iso é unha das cuestións que máis preocupa aos populares. “Necesitamos volver a dotar a Barreiros dos socorristas que precisa para que haxa seguridade nas prais e precisamente cando gobernaba o PP, en Barreiros había un servizo de socorristas punteiro”, di o candidato.
En materia de infraestruturas, Gómez Puente considera fundamental conseguir a depuradora de San Miguel e Reinante, porque, entre outras cosas; “sen ela a praia de Arealonga seguirá estando pechada ao baño nunha parte”. Os núcleos de San Miguel e Reinante carecen de sistemas adecuados de depuración, pois as respectivas depuradoras están obsoletas, e os problemas quedan en evidencia, sobre todo en tempada estival polo aumento da actividade turística. É frecuente tamén as notificacións de positivos en contaminación microbiolóxica por presenza de bacterias fecais e que impiden o uso da zona de baño.
Pola súa banda, Rosa Quintana tamén puxo en valor a dimensión sociosanitaria dos integrantes da candidatura popular, que é a mellor opción para que Barreiros retome a senda de bonanza pola que transitaba antes das anteriores eleccións locais. É o momento, dixo, de apostar por un equipo cohesionado, motivado e que goberne por e para todas persoas, sen máis intereses que defender unha mellor calidade de vida para a veciñanza. Unha xestión que volverá a poñer ás persoas por diante e recuperará, por exemplo, un servizo de socorrismo que no pasado foi exemplar.
A responsable da política pesqueira galega coincidiu na importancia do saneamento, un piar da estratexia xeral do Partido Popular e que persegue mellorar a calidade das augas. De feito, Quintana destacou que Galicia conta desde xaneiro cunha Estratexia para mellorar o saneamento e depuración da costa e as rías galegas que pretende dar un impulso a esa mellora continua de aquí a 2027.
Lista Completa
1. José Manuel Gómez Puente
2. María Ramona García de Gabriel
3. Pablo Posada Rocha
4. María Mar Sante García
5. Manuel Alonso Díaz
6. Marñia Leticia Fernández Rey
7. Laura López Paz
8. Carlos Pérez Martínez
9. Sonia Piñeiro Rúas
10. Purificación Catalina Alvite Barreira
11. María Ángeles Sanjurjo Bermúdez
Suplentes
1. María Silvia Fernández Martínez
2. Iván Otero Lende
3. Paulino Lobán Rodríguez
4. Yasmina Fernández Rivas
5. José Manuel García de Gabriel
6. Concepción Fernández Iglesias
7. Evencio Rocha Noreda
8. Juan Bautista Vila Lanzós
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
