A conselleira do Mar inaugurou a XIX Feira Monográfica Náutico-Pesqueira Expomar que se celebra desde hoxe ata o sábado en Burela
Burela, 10 de maio de 2023. A conselleira do Mar, Rosa Quintana, enxalzou hoxe o labor da Fundación Expomar á hora de buscar solucións entre administracións e sector ante os desafíos que ten por diante a frota galega como a descarbonización ou a remuda xeracional. Así o destacou durante a inauguración da XIX Feira Monográfica Náutico-Pesqueira Expomar, que reunirá entre hoxe e o vindeiro sábado 13 a máis dun cento de expositores de diferentes países nun evento xa consolidado como referente en toda a cornixa cantábrica e o norte de Portugal.
A titular de Mar sinalou que, tanto este certame como as XXX Xornadas Técnicas e o XIV Encontro Empresarial que se celebran de xeito paralelo, supoñen unha gran oportunidade para abordar retos como a transición enerxética cara a posibles alternativas viables aos combustibles fósiles. Neste sentido, Rosa Quintana asegurou que Galicia comparte con Bruxelas o obxectivo de contar cunha frota máis ecolóxica ao mesmo tempo que reclamou unha vía técnica asumible e axudas adicionais para poder adaptar os buques.
“Expomar ofrécenos moitos avances que conducen a seguir no camiño da viabilidade da nosa frota, coa vista posta na consecución da súa descarbonización”, manifestou a responsable autonómica, e reclamou “comprensión” unha vez máis á Comisión Europea ante os cuantiosos investimentos e a adaptación gradual que require a frota.
A conselleira do Mar tamén fixo referencia á variedade de solucións á seguridade e conectividade que se poden ver na Feira de Expomar, unhas cuestións que contribuirán a outro dos grandes desafíos que ten por diante o sector: a remuda xeracional. Así, apelou tamén á necesaria simplificación dos requisitos para adquirir unha primeira embarcación e acceder aos fondos europeos para facer máis atractiva a actividade marítimo-pesqueira ás novas xeracións.
A este respecto, sinalou que as actividades levadas a cabo pola Fundación Expomar son idóneas para propiciar solucións en favor do futuro do sector. De feito, as Xornadas Técnicas abordarán entre mañá e o venres dúas temáticas fundamentais como son a xestión pesqueira, poñendo o foco nas leis de pesca marcadas pola Unión Europea, e a socio economía, enfocada no papel da actividade pesqueira como panca comercial e social.
Unha magnífica oportunidade, apuntou, para pulsar e afondar na actualidade pesqueira e fomentar o intercambio de opinións entre as distintas administracións pesqueiras e demais axentes (profesionais do sector, lonxas, exportadores, empresas de distribución e produción e organismos científicos).
XXX Feira Monográfica Náutico-Pesqueira
A Feira Expomar, de carácter bianual, pretende superar as cifras acadadas na última edición –celebrada en 2019, pois en 2021 por mor da pandemia– a cal se converteu na máis concorrida da historia con 135 expositores que representaron a máis de 350 marcas de diferentes países. Este ano, a Xunta de Galicia participa cun posto de 96 metros cadrados onde se ofrecerá información sobre distintas marcas acreditadas como Mexillón de Galicia, Bonito do Norte ou pescadeRías, baixo o paraugas da campaña GALICIA SABE AMAR.
“É un orgullo que Expomar forme parte das tres grandes feiras marítimo-pesqueiras que teñen lugar no noso país, xunto a Bilbao e Vigo, e que sexa exemplo de puxanza e de evolución”, indicou Rosa Quintana, que destacou que este recoñecido evento sirve de inspiración para outras feiras irmáns como a que se celebra en Cabo Verde.
Ademais, a cita coincide este ano cunha gran efeméride local, pois a Confraría de Pescadores San Xoán Bautista de Burela –que forma parte do do Padroado da Fundación Expomar– cumpre un século de historia.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
