Tanto o conselleiro como o alcaldable demandaron ao BNG que consiga a cantidade orzamentaria que prometeron e “se deixen de poñer desculpas dicindo que teñen que vender uns inmobles”
Ribadeo, 13 de maio de 2023. O conselleiro de Sanidade, Julio Comesaña e o candidato á alcaldía de Ribadeo, Dani Vega analizaron conxuntamente os novos servizos sanitarios que dará a construción do novo centro de Saúde ao municipio. Neste sentido, Vega explica que “non é so a construción dun edificio de 2500 metros cadrados, senón que supón a xestión do centro de saúde e de moitos máis servizos necesarios para os nosos veciños”.
Este espazo sanitario contará con dúas salas técnicas, unha sala polivalente, dúas consultas de docencia, unha consulta para o programa da muller, unha consulta de hixienista dental, un despacho de coordinación, unha sala de estar para todo o persoal e un espazo propio para o persoal de urxencias. “Que teñamos un espazo para o 061 en Ribadeo é moi importante, moita xente con urxencias tiña que trasladarse ata o Hospital da Mariña, e con este novo servizo xa non o terán que facer”, di Dani Vega.
Ademais, o centro terá tamén unha ampliación do espazo de fisioterapia e de radioloxía. No novo Punto de Atención Continuada (PAC) haberá un circuíto propio de entra e saída separado do centro saúde, unha sala de observacións e de box de críticos e “tamén ampliamos as consultas de medicina das 13 h ás 14 h e puxemos a disposición do persoal de noite novos dormitorios para que poidan descansar”, apunta Vega.
DEMANDA AO BNG
Noutra orde de cousas, o alcaldable, xunto co conselleiro, realizaron unha demanda ao goberno do BNG: “Necesitamos que aporten rapidamente os terreos e que non poñan máis desculpas. Xa está ben. Que aproben a cantidade orzamentaria que prometeron no pleno e que non se desculpen de que teñen que vender uns inmobles para ter ese diñeiro. O que pedimos é moi claro. Queremos un novo centro de saúde para Ribadeo, xa o estamos xestionando e so nos falta o terreo para construílo e así gañar todos estes servizos sanitarios”.
Ademais Vega resaltou o traballo do conselleiro de Sanidade que “fixo un enorme traballo e gracias a esta xestión Ribadeo contará novo centro sanitario que implican máis servizos para os nosos veciños”.
Pola súa banda, Comesaña resaltou o traballo día a día de Dani Vega na súa labor por levar a Ribadeo máis servizos: “Desde o primeiro día que anunciamos que a Xunta ía aprobar un Plan de Infraestruturas de atención primaria, Dani non tardou nin un segundo en dicirnos que era fundamental que estivese en Ribadeo”. O edificio do actual centro de saúde é moi antigo e a súa distribución é pouco operativa para ampliar os servizos polo que “fixemos un plan para Ribadeo e a primeira reacción do goberno local foi dicir que non facía falta, que era mellor facer un par de reformas no centro actual”.
Neste aspecto, Vega presionou para que cederan e, despois de moito tempo, aceptaron que o novo centro de saúde era necesario para Ribadeo. En maio de 2022, a Xunta firmaba un protocolo no que se comprometía o centro de saúde en canto o concello adquirise a parcela. “Un ano despois seguimos agardando e o único que segue falando dun novo centro de saúde para Ribadeo e preguntando á Xunta se hai avances é Dani Vega. Nada máis soubemos ata o momento”, explica Comesaña.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
