Ribadeo, 14 de maio, 2023. O BNG de Ribadeo pon en coñecemento da cidadanía ribadense que o goberno municipal do Concello de Ribadeo xa comezou a realizar as actuacións oportunas para poder poñer a disposición da Xunta os terreos necesarios para construír o novo centro de saúde. De momento xa se modificou o PXOM para poder dispoñer duns terreos, a opción que máis acaída considerou a Xunta. Pero de cartos non se falaba. Acaso pretende a Xunta que o concello teña que poñer diñeiro para construír o centro de saúde? É que, non tendo colaborado coa construción da Residencia de Maiores, e sen ter aínda manifestado de forma clara, negro sobre branco, que vaia colaborar coa reforma integral do Hospital Asilo, quere ademais pedir que o concello lle axude á Xunta con diñeiro para facer o centro de saúde?
Por outra banda, cando se insiste que queren xa os terreos, queren que o goberno municipal salte a legalidade vixente, a urbanística, competencia da Xunta, e ignore os informes preceptivos que ten que realizar a propia Xunta a respecto da proposta de modificación parcial do PXOM, para podermos seguir adiante co proceso de expropiación dos terreos seleccionados? Por que tarda tanto a Xunta e realizar ditos informes? Quere xerar a sensación de que o concello non é capaz de achegar os terreos? O concello cumpriu. Que cumpra a Xunta e aprobe eses informes xa.
Chámanos especialmente a atención que agora se fale de diñeiro. Non está en condicións a Xunta de comprometer unha partida orzamentaria para a construción de dito centro de saúde? Necesita apoio económico do Concello? A Xunta de Galicia non foi quen de apoiar a construción da Residencia de Maiores. Non se lle ve traza ningunha de que vaia apoiar con diñeiro a reforma integral do Hospital Asilo. Acaso quere introducir máis confusión aínda e comeza xa a traballar o terreo para postergar a construción do novo centro de saúde e busca como culpar ao goberno municipal do Concello de Ribadeo de que non se vaia facer? E que papel xoga nesta lea o deputado Daniel Vega: vai defender Ribadeo ou aspira a colmar as aspiracións dos seus superiores na súa teima contra Ribadeo e a súa veciñanza defendendo o indefendible?
Por outra banda, dá a impresión de que o señor Comesaña se está deixando influír polos costumes “un tanto decimonónicos” de Daniel Vega, que pede que nos saltemos a legalidade vixente e incumpramos as normas urbanísticas. O goberno municipal de Ribadeo, sustentado polo BNG, é un goberno solvente e responsábel; somos unha organización política seria. Hai quen pensa que calquera vai estar disposto a asinar declaracións xuradas nas que mente porque pensa que vai obter beneficio político ou económico. Nós non actuamos así.
Non todo vale en política, señor Daniel Vega. E vostede, señor Comesaña, cre que todo vale en política? Por que nos pede cousas que dependen do seu goberno, tramitación da solicitude de modificación parcial do PXOM? Por que insiste que non somos quen de cumprir coas nosas responsabilidades cando son vostedes que non cumpren? A vostedes, na Xunta, tamén lles vai o de asinar documentos en falso testemuño ou prefiren mirar cara a outro lado cando os ven?
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
