Os populares defenden a importancia de “escoitar aos vilalbeses e vilalbesas e realizar os estudos técnicos pertinentes antes de tomar decisións de calado coma as relacionadas coa mobilidade urbana”
Vilalba, 4 de xullo de 2023. O Grupo Municipal Popular alerta de que “o goberno do PSOE e Vilalba Aberta ataca á historia e á cultura de Vilalba” coas obras que están a acometer na alameda e que supoñen “un adeus á súa emblemática fachada, cos recoñecibles bolardos que suman máis de 60 anos formando parte do casco urbano vilalbés”.
Os populares lamentan que “Vilalba se despida da entrada histórica dun espazo moi recoñecible e que constitúe un sinal de identidade do noso municipio”. Nese sentido, lembran que a eliminación dos bolardos e das escaleiras laterais deste espazo se inclúen no proxecto que o anterior goberno socialista quixo vincular coa obra de mellora do saneamento da rúa da Pravia, a pesar de que “son asuntos totalmente distintos”.
VILALBA ABERTA CAMBIA DE OPINIÓN
Coa chegada de Vilalba Aberta ao goberno local, volve ser noticia o sentido de circulación na rúa da Pravia. “Vilalba Aberta corrixe aos seus socios de goberno anunciando o cambio de sentido na circulación dos vehículos pola rúa da Pravia en dirección Lugo; cando o PSOE no pasado mandato defendeu a unidireccionalidade, pero en sentido Mondoñedo, que é no que está agora”, apuntan os populares.
Pero iso non é todo, “Vilalba Aberta corríxese a si mesma”. De feito, “a formación asemblearia defendía en xuño do 2020, despois de ser relegada do anterior bipartito, unha reordenación do tráfico que sobre a rúa da Pravia recollía: “ata o cruce da Rúa Domingo Goás, establecemento de dirección única cara Mondoñedo…”.
Os populares, pola súa banda, defenden a importancia de “escoitar aos vilalbeses e vilalbesas” e, por suposto, inciden en que “é necesario realizar os estudos técnicos pertinentes antes de tomar decisións de calado -coma as relacionadas coa mobilidade urbana- que afectan ao día a día de moitos veciños e veciñas”.
UNHA XESTIÓN SEN PLANIFICACIÓN NIN RUMBO CLARO
Para os populares “este mandato comeza igual que o anterior: sen unha planificación clara de xestión, sen rumbo claro e repetindo a técnica de pequenos parches para intentar convencer aos vilalbeses de decisións tomadas, pero que deberían estar planificadas e consensuadas previamente”. Nese sentido, o Grupo Municipal Popular defende “unha xestión baseada na planificación de forma que se eviten sobrecustes e demoras nos prazos de execución das obras”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O lume iniciouse ás 14.51 horas do luns e para a súa extinción mobilizáronse, polo de agora, 2 técnicos, 10 axentes, 15 brigadas, 16 motobombas, 1 pa, 5 helicópteros e 7 avións. 
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
