Parece ser que hai unha formación política que non sabe que non se pode poñer publicidade electoral en sitios que non están habilitados para tal fin. Os sitios onde se pode poñer propaganda están regulados pola Xunta Electoral de Zona, e no Concello de Xove, están ben delimitados grazas a unha proposta presentada polo BNG que foi aprobada en Pleno polos 3 partidos políticos que formaban o Consistorio, en outubro de 2011.
É unha norma adecuada aos tempos, para facer de Xove un municipio moderno, para que non quede os recunchos do concello cheo de cartaces coas caras dos candidatos durante meses (ou incluso anos), unha norma que incide no ornato e nos valores medioambientais.
Pois ben, un dos tres partidos con representación na corporación xovense, o colorado, non está a facer caso da norma, colocando cartaces indiscriminadamente en portas de garaxe, en torres de alta tensión, debaixo das pontes ou mesmo nos dolos de Morás.
Nas eleccións locais… Fomos permisivos por aquilo de: igual non o saben, igual non lles deu tempo a informarse, igual non caeron na conta de que as outras formación só colocaban carteis nos paneis habilitados… Deixamos pasar o tema, pero xa nestas, nas xerais que están ao caer, tiveron tempo para informarse se quixeran facelo.
Parece ser que non quixeron, e en Xove, no partido colorado, hai algún que outro veterano da política que debería saber como funcionan estas cousas.
Agardamos que nas vindeiras eleccións, sexan cales sexan, non se repita tal pegada de cartaces, senón, o que nos vai quedar, é facer unha denuncia á Xunta Electoral.
Carlos Fernandez Louzao, responsable local do BNG de Xove
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Solicítase á veciñanza que retire os vehículos estacionados nesta zona durante a mañá do martes, co fin de facilitar o desenvolvemento dos traballos. A Policía Local colocará esta tarde a sinalización informativa correspondente. Durante as actuacións poderán producirse cortes puntuais de circulación, procurando facilitar o acceso aos garaxes da zona. A duración dos traballos dependerá das condicións meteorolóxicas e da súa evolución. O Concello de Viveiro agradece a colaboración da veciñanza e desculpa as molestias que se poidan ocasionar.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
