Nota de Prensa
ANTONIO VEIGA ASISTIU Á PRESENTACIÓN DA XII CARREIRA POPULAR DE VIVEIRO
O evento, organizado polo Club Egovarros, celebrarase a vindeira fin de semana coa participación de ao redor de 400 atletas
Esta edición da carreira lembra especialmente a Julián Bernal, atleta galego con máis de 700 carreiras no seu palmarés, falecido o pasado mes de marzo
VIVEIRO, 15 de setembro de 2010. O delegado da Área de Deportes da Deputación, Antonio Veiga, presentou esta tarde na casa do concello de Viveiro a XII Carreira Popular Concello de Viveiro, que este ano e celebra na honra do atleta galego Julián Bernal. Ao acto tamén asistiron o concelleiro de Deportes, Xesús Fernández Cal, o fillo do atleta homenaxeado, Jesús Bernal, e o secretario do Club Egovarros e concelleiro Xosé Antón Goás. Este último desculpou a ausencia do o presidente do club, Francisco Rodríguez Balsa ao falecer o seu pai no mediodía de hoxe.
A proba celébrase o vindeiro fin de semana (18 e 19 de setembro), e nela participarán ao redor de 400 atletas de diversas categorías, que van dende nenos e nenas de moi corta idade ata veteranos de máis de 60 anos. Como destacou Veiga, “a Área de Deporte da Deputación apoia decididamente aos colectivos que se encargan de organizar este tipo de eventos, como é o Club Egovarros, que son tan importantes para a promoción dunha alternativa de lecer saudable a través da práctica deportiva”. O delegado da Área de Cultura e Deportes deu os parabéns ao Club Egovarros polo seu esforzo e traballo para facer posible a carreira, e tamén polos éxitos acadados polos atletas que forman parte del. Manifestou o seu desexo de que a proba logre, como ven facendo cada ano, o mesmo éxito ou máis que en pasadas edicións.
Pola súa banda, Xosé Antón Goás explicou que a carreira, cun percorrido de 12 quilómetros, está organizada de xeito que se celebra en dúas xornadas: o sábado ás 17:00 horas, as categorías menores masculina e feminina sairán do pavillón municipal, e o domingo 19, coa saída ás 11.30 da mañá, sairán do mesmo lugar as categorías superiores tamén nas súas modalidades masculina e feminina. Jesús Bernal, fillo do atleta homenaxeado, mencionou o especial aprecio que o seu pai tiña por Viveiro e por Lugo en xeral, ademais de dar as grazas ao Club Egovarros e á Área de Deporte da Deputación. Todos os asistentes ao acto fixeron unha mención especial ao presidente do club, Francisco Rodríguez (cuxo pai acaba de falecer) que segundo o secretario de Egovarros , “fai posible a celebración deste evento co seu esforzo e traballo, algo que lle hai que agradecer este ano moi especialmente”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
