Ía dicir que por casualidade, pero non. Foi porque Google así o quixo. Fixo que me atopara o outro día con Google Takeouts. Un programa por medio do que podes descargar os datos que Google ten de ti. Os datos que ti, de xeito consciente ou inconsciente, lle subministraches. Leveime unha sorpresa. Grande. Tan grande como o tamaño que me atopei cando despois de realizar os pasos que me dicía, aparece un correo con ligazóns para descargar 63 ficheiros de 1 Gigabyte. Aquí fai falta unha parada para facer varias aclaracións:
1.- Hai un par de anos probei cun programa equivalente para descargar os datos de Facebook. A cantidade de contido que tiven era unhas 100 veces menor, e daquela pareceume unha barbaridade.
2.- 1 Gigabyte é equivalente ó que poderían ocupar uns mil ‘Quijote’, ou ó que unha mecanógrafa experta (ou un mecanógrafo, claro), a toda pastilla e sen parar, día e noite, tardaría case dous anos en teclear.
3.- O paquete descargado inclúe vídeos que subín a Youtube. É evidente que o seu peso dentro do conxunto é moi grande, e que se os subín, dan información sobre min, pero non ten a mesma ‘densidade de datos’ meus que, poñamos por caso, un correo electrónico.
Aclaracións feitas (caberían unhas cantas máis, pero esas son fundamentais), as ligazóns para a descarga viñan nun correo electrónico que especificaba: “(…) non se puido crear unha copia de todos os ficheiros. Podes descargar os ficheiros ata o 12 de agosto de 2023, pero ten en conta que faltarán datos. O contido exportado inclúe un ficheiro HTML que contén máis información sobre os erros. A descarga incluirá datos de 48 produtos. (…)” De 48 produtos porque na lista de cousas a descargar (que segundo Google poden abranguer ata 50 produtos seus) ocorreuseme desmarcar dous servizos, un por consideralo irrelevante e outro … por pensar que ía ocupar moito!
Aínda non puiden mirar todo o contido. Dubido que chegue a facelo de xeito completo e menos aínda en profundidade. De feito, só descarguei dous dos 63 ficheiros, ó chou, e para botarlles unha ollada rápida ós nomes e facerme unha idea do contido. Ollada que xa me fixo contrastar algunha idea falsa que tiña sobre o que Google e a rede garda de min, ou volver reflexionar sobre que hoxe mesmo engadirase algunha información máis a ese almacén. Levo pensado como facer para minimizar a miña pegada dixital, e xa teño abandonado algún servizo en parte por ese motivo. Pero son consciente que esa pegada non deixa nin deixará polo momento de facerse máis e máis grande, sen control efectivo pola miña parte, a pesar das lexislacións que teoricamente protexen a privacidade. A non ser que me ille de internet: dende deixar de usar o navegador ou o móbil ata as tarxetas bancarias, por poñer só algún exemplo. E mentres a miña memoria vai esquecendo cousas -cada vez máis- o que a rede sabe sobre min estará resgardado en varios lugares diferentes, por se acaso nun só se perde -unha das ideas principais da rede- e poderá ser ‘aproveitado’ por multitude de aplicacións que me queiran vender algo -sabendo ata onde chegan os meus recursos- ou que queiran influenciar o meu voto nas próximas eleccións -sabendo os meus puntos fracos-.
Cada vez me gustan máis o movemento do software libre. Xenera programas máis transparentes, ó tempo que conserva mellor a privacidade, e en xeral, déixate dominio sobre o programa e o que fas con el. Fíxase máis na xente e as súas necesidades, e menos no aproveitamento das necesidades da xente por terceiros. De feito, o último programa que comecei a usar é unha rede social, Mastodon, en substitución doutra dunha multinacional. Por suposto que non é perfecta (tampouco o programa propietario que usaba antes), e aínda estou experimentando co nodo que uso, mastodon.gal. Mais, por experiencia, tamén sei que o software libre evoluciona (e mellora) rápido, e que adaptarse é doado, sempre que queras.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
