Os populares denuncia a dobre vara de medir de Tomé poñendo como exemplo a LU-P-2604, que no treito que percorre Viveiro está en boas condicións con aglomerado en quente, mentres que en Xove está desfeita
Luns, 14 de agosto de 2023. O 11 de xuño de 2018 o entón presidente da Deputación, Darío Campos, e o alcalde de Xove, Demetrio Salgueiro, asinaban un protocolo de colaboración entre ambas administracións para a mellora conxunta, a xestión e a entrega ao concello mariñán ata 10 estradas de titularidade provincial.
A realidade é que este acordo non se materializou, a pesar de que xa transcorreron máis de 5 anos e que “sería moi beneficioso” para a Deputación de Lugo. Así o expón o voceiro popular Antonio Ameijide, que visitou este municipio da Mariña luguesa xunta ao deputado provincial, José María Fernández, e ao alcalde da vila, Demetrio Salgueiro.
Segundo este protocolo, procederíase á revisión, renovación e posterior traspaso ao Concello de Xove de todas as vías da Deputación que percorren este municipio. Segundo o acordo, “unha vez que a Deputación levase a cabo as actuacións comprometidas (2 vías as renovaría a Deputación e 8 o Concello de Xove) o Concello asumirá a titularidade de todas as estradas provinciais que atravesan o municipio contraendo deste xeito a obriga futura da súa conservación e reparación”. “José Tomé sempre se está a queixar de que a Deputación de Lugo é a administración con máis quilómetros de estradas a manter de todo o país, polo que non se pode entender que non dean cumprimento a este protocolo polo que a administración provincial deixaría de ter que tutelar case 50 quilómetros de vías”, explicou.
As vías afectadas por este acordo serían as LU-P2601; 2602; 2603; 2604; 2605; 2606; 2607; 2609; 2610 e 6606, en total 47,9 quilómetros de estradas provinciais que pasarían a ser de titularidade do Concello de Xove trala súa renovación que asumirían ambas administracións nunha contía do 50% cada unha. Estas vías son de vital importancia para o municipio ao dar servizo a distintas parroquias e ser os únicos accesos ás praias e a outras zonas da costa, así́ como á planta Pescanova, o Portiño de Morás, o Porto de Portocelo e empresas auxiliares de Alcoa.
En novembro de 2019 realizáronse preguntas no pleno da Deputación para coñecer a situación deste protocolo e se o goberno provincial tiña intención de cumprilo, ao que José Tomé respondeu que “a vontade deste equipo de goberno é traballar por tódolos concellos, na medida das posibilidades de investimento que hai; pero se nos dedicamos a pedir estes volumes para un só, qué quere que lle diga?; imos ser serios, porque o resto de concellos da provincia, da súa ou doutra cor política, tamén teñen dereito a ser atendidos porque tamén teñen estradas en non moi bo estado”.
Neste senso, Antonio Ameijide ve “cando menos curiosa” a resposta dada polo presidente da Deputación, “a persoa que mantén os 365 días do ano unha brigada completa do parque móbil provincial no concello do que é alcalde, demostrando que di unha cousa e que na realidade fai outra diferente”.
NULO MANTEMENTO E NEFASTO ESTADO DE CONSERVACIÓN
Os deputados provincias populares comprobaron “a diferenza entre un goberno que se preocupa polos seus veciños e un que non”. Antonio Ameijide sinala que, por exemplo, na estrada provincial LU-P-2606 (de Xove a Rocha), que conecta cunha vía municipal “podemos ver perfectamente o remate e inicio de cada unha das vías, xa que a estrada da Deputación está destrozada, mentres que a de titularidade municipal está en perfecto estado de revista”.
A realidade é que as vías de titularidade da Deputación no Concello de Xove precisan dunha renovación urxente, a limpeza e roce da vexetación, repintado e mellora da sinalización.
Outro exemplo moi gráfico é a estrada LU-P-2604 (De Xove a Valcarria) “totalmente deteriorada, tendo o seu mellor exemplo nunha curva que se converteu nunha enorme fochanca xa que non lle queda nada do asfalto que tiña”.
Aquí vemos como hai unha dobre vara de medir, xa que na LU-P-2604 o treito que percorre Viveiro está en moi boas condicións, con aglomerado en quente, mentres que o treito que percorre Xove está en moi malas condicións e unicamente cun rego asfáltico.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
