Nota de Prensa
O director xeral de Sostibilidade e Paisaxe destaca en Ribadeo que o Plan de ordenación do Litoral mellora e protexe o 50% da superficie deste municipio
*
Manuel Borobio participou nunha mesa redonda sobre “A protección e ordenación do litoral galego” no marco das XIII Xornadas Ambientais de Ribadeo
*
O Plan representa unha rigorosa posta ao día do coñecemento do litoral galego
*
En Ribadeo achou que o 44% da superficie de solo xestionado corresponde a cultivos e prados, o 36% é solo forestal de repoboación e un 8% corresponde a usos artificiais do chan
Ribadeo, 16 de setembro de 2010.- O director xeral de Sostibilidade e Paisaxe da Consellería de Medio Ambiente, Territorio e Infraestruturas da Xunta de Galicia destacou esta tarde en Ribadeo as potencialidades da Mariña lucense e instou a todos os municipios encadrados no ámbito de xestión do Plan de ordenación do Litoral a adoptar os criterios e a filosofía deste plan territorial de cara a acadar unha conservación e crecemento sustentable.
Durante a súa ponencia sobre “O Plan de Ordenación do Litoral de Galicia”, enmarcada dentro das XIII Xornadas Ambientais de Ribadeo, Manuel Borobio expuxo detalladamente os traballos levados a cabo ata o momento para o desenvolvemento do Plan do Litoral, que se atopa actualmente a 15 días da fin do período de información pública, logo da publicación da orde de aprobación inicial o pasado 30 de xullo no DOG.
Borobio indicou que o Plan de Ordenación do Litoral, xunto coas Directrices de Ordenación do Territorio, que se están a tramitar en paralelo, permitirá a finais deste ano 2010 “rachar coa ausencia de figuras de ordenación do territorio”. Para a configuración do Plan do Litoral realizouse un estudo exhaustivo da costa galega a prol dun modelo territorial propio, para poder regular o litoral con principios xerais “pero coñecendo quilómetro a quilómetro a costa que temos”, destacou. Neste senso, o director xeral de Sostibilidade e Paisaxe indicou que “o plan proporciona unhas regras de xogo claras en toda a franxa litoral, con criterios homoxéneos para regular a construción e ordenar o conxunto da costa, analizando concello a concello as circunstancias especiais en cada termo municipal”.
Fácil adaptación
Respecto a Ribadeo, Manuel Borobio explicou que este municipio non terá ningún problema para adaptarse aos criterios do Plan de Ordenación do Litoral, segundo a información facilitada polo concello ata o momento. O ámbito de xestión do Plan do Litoral abrangue case o 50% da superficie do concello (unhas 5.300 hectáreas sobre o total de 10.700), da que a meirande parte (o 44%) corresponde con cultivos e prados. Os usos forestais supoñen o 36% da superficie (1.945 hectáreas) e un 8% da superficie corresponde a usos artificiais.
A detallada análise levada a cabo para a configuración do Plan de Ordenación do Litoral identificou neste municipio 13 praias, cinco Bens de Interese Cultural (BIC), así como 15 elementos de patrimonio arqueolóxico e un total de 114 elementos de patrimonio etnográfico, entre outros.
En total, o Plan de Ordenación do Litoral abrangue unha superficie de estudo de 215.865 hectáreas, que se dividen en 428 unidades litorais e 13 prelitorais correspondentes a 34 sectores costeiros que reflicten a diversidade das sete zonas costeiras identificadas (A Mariña lucense, Rías Altas, Golfo Ártabro, Arco Bergantiñán, Costa da Morte, Rías Baixas e Costa Sur).
O documento, que se atopa na recta final do seu trámite de información pública –remata o 1 de outubro-, ordena o litoral segundo as áreas de Protección Ambiental, Mellora Ambiental e Paisaxística e Ordenación Litoral; así como outros elementos de protección: corredores, espazos de interese e a Rede de Espazos Naturais de Galicia. Esta estrutura establece a forma en que se poden levar a cabo os diferentes desenvolvementos en función da área do plan na que se atopen.
Nin se expropian nin se tiran vivendas
É tamén reseñable, segundo informou o director xeral de Sostibilidade e Paisaxe, que coa aplicación do Plan de Ordenación do Litoral non se tiran construcións nin se expropian vivendas. “Este Plan non altera o réxime urbanístico do solo, senón que establece como se pode ocupar”, explicou. Ademais, ningunha construción queda fóra de ordenación polo Plan. Manuel Borobio indicou que o obxectivo é que “este plan se vaia inserindo nos plans xerais de ordenación municipais, para ir conformando, en consecuencia, a nova cultura urbanística do litoral e que teña unha prevalencia e unha vocación de permanencia nos 82 concellos nos que é de aplicación. Falarase dun antes e un despois do Plan de Ordenación do Litoral”, dixo.
Toda a información sobre o Plan de Ordenación do Litoral pódese consultar a través da web www.xunta.es/litoral, así como na Secretaría Xeral da Consellería de Medio Ambiente, Territorio e Infraestruturas, na Dirección Xeral de Sostibilidade e Paisaxe, así como nos Departamentos Territoriais da Consellería
A edición incorpora como novidade a primeira inmersión da imaxe da Virxe no porto, prevista para o 11 de xullo. O Día do Carmen, o 16, manterá os actos máis emblemáticos, como a Misa Solemne, a Procesión Mariñeira e a descarga pirotécnica. O programa inclúe verbenas, concertos, actividades infantís, o Día do Bollo e o desfile de Cabezudos. O Concello e SofiTapia animan á participación nunhas festas que volverán converter a vila nun punto de encontro. Os actos no Auditorio Municipal serán de entrada libre ata completar aforo.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
Con este xesto simbólico, expresou a súa solidariedade co pobo venezolano, trasladando o seu apoio ás familias das persoas falecidas, feridas e afectadas por unha traxedia que continúa deixando un elevado número de vítimas e miles de damnificados.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
