O alcalde, Dani Vega, considera que na semana das festas patronais é importante que o tecido económico se beneficie da moita xente que se achegará a Ribadeo

Ribadeo, 1 de setembro de 2023. O alcalde, Dani Vega, considera que na semana das festas patronais é importante que o tecido económico se beneficie da moita xente que se achegará a Ribadeo e subliña que a hostalería local contará cun incremento horario de dúas horas.

O rexedor dixo que “chega o mes de setembro e chegan as festas patronais. Durante todo este período a hostalería do noso concello, na plena totalidade, vai ter un incremento horario de dúas horas”.

Para Dani Vega “nesta semana de festas é importante que o tecido económico local se beneficie de que veña moita xente, que se incremente ese horario e que entre todos teñamos unhas festas agradables, que creo que son importantes para todos os veciños”.

E engadiu que “por iso o Concello debe colaborar, debe estar sempre ao lado do noso tecido económico para seguir dando pasos importantes e continuar crecendo todos como concello”.

As festas patronais 2023 arrincan esta tarde co pregón que pronunciará o ex alcalde ribadense, José Carlos Rodríguez Andina, a partir das 20:30 horas no Teatro.