O delegado territorial de Lugo, Javier Arias, comprobou a execución das obras, incluídas nun contrato de máis de 3 M€ para mellorar catro estradas que vertebran as comunicacións en concellos da Terra Chá e da comarca de Lugo
Begonte, 5 de setembro de 2023. A Consellería de Infraestruturas e Mobilidade traballa na mellora do firme da estrada autonómica LU-111, desde a conexión coa A-6 en Rábade ata o enlace coa LU-120 no núcleo do Santo, en Vilalba.
O delegado territorial da Xunta en Lugo, Javier Arias, comprobou hoxe o avance dos traballos á altura de Begonte. Explicou que a actuación inclúe toda a lonxitude da vía e a superficie completa da calzada, que discorre ao longo de 18,4 quilómetros polos concellos de Rábade, Begonte, Cospeito e Vilalba.
Nas partes deterioradas executáronse fresados localizados e reposición con mestura bituminosa en quente a carril completo. Neste momento estase a traballar na renovación da capa de rodaxe coa aplicación dunha capa de microaglomerado en frío en toda a calzada; e na última fase pintarase a sinalización horizontal para mellorar as prestacións da vía.
Estas obras forman parte dun contrato por importe de algo máis de 3 millóns de euros para mellorar catro estradas que vertebran as comunicacións en concellos da Terra Chá e da comarca de Lugo.
Están incluídas así mesmo as melloras da LU-121 -que tamén conflúe coa LU-120 á altura do Santo, neste caso en dirección Moncelos (Abadín) ; da LU-120 (Vilalba-Paraxes) e da LU-113 (Rozas-Abadín). Os concellos de actuación son Rábade, Abadín, Vilalba, Begonte, Castro de Rei, Cospeito e A Pastoriza.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
