A institución provincial aportou o 95% do investimento necesario para acometer o proxecto de recuperación deste espazo natural de lecer, impulsado pola Asociación de Veciños de Santa Comba da Órrea
O Deputado de Promoción Económica e Social, Pablo Rivera Capón, participou este domingo na inauguración da área recreativa da Fonte da Casanova, en Riotorto, renovada grazas á axuda que a Deputación de Lugo concedeu á Asociación de Veciños de Santa Comba da Órrea. A institución provincial achegou máis de 4.000€, o 95% dos fondos necesarios para acometer esta actuación, a través do Programa para a Dotación e mellora de Servizos Comunitarios do 2021.
Entre as actuacións realizadas neste espazo natural de lecer está a creación dun pequeno canal dende a fonte para permitir o paso de persoas neste treito, a adecuación e mellora da accesibilidade, sendo necesaria a eliminación de irregularidades na terra para facilitar o tránsito, e a recuperación do Camiño da Igrexa, que dá acceso ao templo relixioso. Tamén se rehabilitou a ponte da Fonte de Casanova, instalando novos pasos de madeira e unha baranda que aumenta a seguridade dos usuarios.
Rivera Capón destacou a importancia de renovar este espazo “para potenciar o rural e fomentar o turismo sostible, de proximidade, que busca vivir novas experiencias e pon en valor o patrimonio”, e destacou que este modelo, polo que aposta a Deputación de Lugo, xera riqueza a través do aproveitamento dos recursos.
Acompañado da veciñanza e representantes da entidade riotortense reafirmou tamén o compromiso provincial para “achegar máis e mellores servizos aos veciños e veciñas dos 67 concellos da provincia. Un obxectivo para acadar unha mellor calidade de vida, dinamizar a economía e contribuír así a fixar poboación”.
No acto tamén estiveron presentes a presidenta da agrupación, Colombina Sobrado, e a voceira, Hilda Murado, que trasladaron ao Deputado o seu agradecemento por apostar polo rural dende o ente provincial.
1,6M€ en Riotorto
A Deputación de Lugo leva investido en Riotorto máis de 1,6M€ dende o 2019 ata a actualidade. O investimento foi destinado principalmente para a mellora de vías municipais, a contratación de persoal municipal e o servizo de axuda a domicilio. Outra parte importante dos fondos provinciais foron para a renovación do firme das estrada provincial que vai de Paraxes a Lourenzá, por Bretoña e Muiñonovo, e a que comunica Augaxosa e Trabada, cun orzamento de 660.000€.
Entre as actuacións levadas a cabo estes anos, tamén se investiu en actividades que permitiron á veciñanza beneficiarse de diferentes actividades e melloras como viaxes ou o acondicionamento do almacén no local social da Asociación de Veciños de Augaxosa.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
