Ante o Valdetires FSF xogou o Pescados Rubén onte no Polideportivo de Esteiro cun resultado final 0-9 para as Guerreiras.
Burela, 10 de setembro, 2023. Ás 18.00h da tarde de onte, sábado día 10 de setembro, no Polideportivo de Esteiro en Ferrol, celebráronse os cuartos de final da Copa Galicia Senior Feminina, Valdetires FSF – Pescados Rubén Burela FS, cun resultado final de 0-9 para as mariñás. Equipos de diferentes categorías que se enfrontaron nun partido que dominou o equipo burelense, levándose o pase á seguinte rolda do campionato galego.
Comeza o partido cun 5 inicial por parte do Burela con Jozi Oliveira (P), Dany (C), Cami, Antía Pérez e Emilly. Durante o primeiro minuto asistimos a 3 disparos perigosos do Burela e unha ocasión clarísima de Dany soa contra a porteira, que a desvía a córner. Tras catro ocasións, unha de Emilly cun disparo afastado que detén a porteira, outras dúas de Dany (a segunda ao pau) e un tiro de Antía Pérez desde a liña de puntos que saca a porteira, chega o primeiro gol tras un tiro de Irene Samper, un rexeite de Jenny que a pon ao segundo pau e Rafinha remata con dous toques meténdoa entre os paus. Entran Aroa e Noelia a pista e gol de Noelia no minuto 6 tras un roubo no medio campo. Entra Irene e tras unha ocasión de Antía Pérez ao pau despois de regatear á porteira, consegue nun segundo intento o 0-3 cun disparo desde o 9m. Tras un tiro alto de Antía Pérez, de novo desde os 9m, chega o 0-4 cun gol de Irene Samper tras un roubo en banda esquerda en presión e soa ante a porteira métea polo primeiro pau. Despois dunha clara ocasión de Aroa tras unha boa xogada colectiva no minuto 16, chega o 0-5 no 18 cun gol de Irene tras unha xogada trenzada entre varias e soa ante a porteira métea ao segundo pau. Remata o primeiro tempo.
Na segunda parte saen Caridad (P), Dany, Cilene, Cami e Emilly por parte do Burela FS. No minuto 2, tras unha xogada ensaiada de banda Cilene mete o 0-6. Continúa presionando o conxunto de Julio Delgado pero non consegue finalizar con éxito, entre elas una de Aroa e outra de Noelia Montoro. No minuto 29 Rafinha mete o seu segundo gol no partido tras un roubo en presión e unha triangulación, dispara ao segundo pau. Un minuto despois Dany sobe o marcador 0-8 tras unha boa xogada colectiva que remata nunha paralela que a deixa soa ante a porteira e métea rasa. No minuto 13 de novo a nova capitá do Pescados Rubén, Dany, cóaa polo segundo pau tras unha triangulación e conclúe e 0-9, resultado co que conclúe o encontro.
O próximo partido das Guerreiras Laranxas de Julio Delgado será o día 16 de setembro, o vindeiro sábado, na primeira xornada de liga de 1ª División Iberdrola FS, que comeza ao grande cun clásico derbi galego no Pavillón Municipal Vista Alegre de Burela ás 18.30h, Pescados Rubén Burela FS – Poio Pescamar FS.
Ficha Técnica Pescados Rubén Burela FS – Valdetires FSF
Pescados Rubén Burela FS: Jozi Oliveira (P), Dany (C), Cami, Antía Pérez, Emilly – cinco inicial -, Cilene, Jenny, Irene Samper, Rafinha, Noelia Montoro, Irene, Aroa e Caridad (P)
Goles: Min.5 Rafinha 0-1; min.6 Noelia Montoro 0-2; min.9 Antía Pérez 0-3; min.14 Irene Samper 0-4; min.18 Irene 0-5; min.22 Cilene 0-6; min.29 Rafinha 0-7; min.30 Dany 0-8; min.33 Dany 0-9.
Equipo Arbitral: Álvaro Campagnoli Franco
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
