No partido de volta desta pretempada o Pescados Rubén imponse a O Parrulo en Burela con gol de David Gomes incluído.
Burela, 10 de setembro, 2023. Último amistoso da pretempada para o equipo mariñán o de onte, sábado 9 de setembro, ás 19.30h no Pavillón Municipal Vista Alegre de Burela, no que se xogou un clásico derbi galego, Pescados Rubén Burela FS – O Parrulo Ferrol FS e que concluíu cun resultado 9-3 para o conxunto laranxa.
Na primeira parte abre o marcador Alberto xa no minuto 4 de xogo, cun tiro cruzado. No minuto 7 de novo Alberto mete o 2-0 cun remate tras un boísimo pase de Álex García. O Pescados Rubén domina o xogo. Tras unha clara oportunidade de Charly tras un centro de Flethes que detén Coroado axudado por Álex Moniño e un contraataque que acaba cun paradón de Michal chega o 3-0, un potentísimo disparo frontal de Quelle dende os 10m. Dous minutos despois, no minuto 15, Álex García ten unha oportunidade clara cun tiro ao segundo pau que vai fóra pero outros dous minutos despois Charly atopa o 4-0 cun bo remate tras un saque de esquina moi ben colocado de Isma. Chega o descanso.
Na segunda parte saen Mika (P), Quelle, Malaguti, Alberto e Charly por parte do Burela e Coro (P), Iván Rumbo, Novoa, Aitor e Rubén Orzáez. No minuto 22 Novoa abre o marcador para os ferroláns cun gol pola escuadra tras un saque de esquina. Aumenta a intensidade do partido e no minuto 26 chega o golazo de Isma cun potentísimo disparo desde 10m e que entra por toda a escuadra. Segundos despois Álex García mete o 6-1 despois dunha recuperación e só ante o porteiro. No 29 Aitor mete o 6-2 dende a frontal pegada ao pau e no mesmo minuto Flethes continúa marcando distancias cun tiro cruzado desde dentro da área que entra entre os paus do equipo ferrolán. No minuto 35 chega o 8-2 con outro gol de Álex García, unha volea frontal que entra pola escuadra tras un córner e no 37 o gol do día, David Gomes, despois dunha contra recibe só ante o porteiro e métea entre paus cun tiro raso cruzado. No último segundo de xogo, tras un saque de banda, Turbi mete o gol co que remata o encontro 9-3.
Rematan os partidos de pretemporada para o conxunto de David Rial que se preparará a fondo durante estas próximas dúas semanas para comezar a primeira xornada de liga de 2º División de Futsal o día 23 de setembro ante o Full Energía Zaragoza no Pavillon Municipal Vista Alegre de Burela.
Ficha Técnica Pescados Rubén Burela FS – O Parrulo Ferrol FS
Pescados Rubén Burela FS: M.Kaluza (P), Lucho (C), Quelle, Malaguti, Isma – cinco inicial -, Iago López, Flethes, David Gomes, Alberto, Charly, Álex García, Ismael y Mika (P).
O Parrulo FS: Coro (P), Iván Rumbo, Novoa, Aitor, Rubén Orzáez – cinco inicial -, Charly, Pedro, Turbi, Felipe Otto, Pansi, Negro, Álex Moniño, Canoli (P) y Alejandro Regueira (P)
Goles: Min.4 Alberto 1-0; min.7 Alberto 2-0; min.13 Quelle 3-0; min.17 Charly 4-0; min.22 Novoa 4-1; min.26 Isma 5-1; min.26 Á.García 6-1; min.29 Aitor 6-2; min.26 Flethes 7-2; min.35 Á. García 8-2; min.37 David Gomes 9-2; min.39 Turbi 9-3.
Equipo Arbitral: Xabier Menéndez Nistal, Roberto Amor Vizoso, Berta García Vázquez.
TA: Flethes, Charly, Álex García, Iván Rumbo, Felipe Otto, Aitor.
TR: Aitor (doble amarilla)
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
