A sesión plenaria será mañá, xoves 28 de setembro, ás 20:00 horas
Burela, 27 de setembro de 2023. O Concello de Burela celebra mañá un pleno ordinario no que, entre outros temas, debatirase a proposta para ser recoñocida como unha cidade Amiga da Infancia e unha solución para a situación laboral das coidadoras de comedor.
“Queremos que Burela sexa recoñecida por Unicef como unha cidade Amiga da Infancia, e comprometernos a traballar polos dereitos da infancia a través de accións e medidas concretas, dotadas con recursos a curto, medio e longo prazo”, explica a alcaldesa, Carmela López.
“Para isto, é preciso ter un Grupo de Participación cos mozos e mozas, que xa é coñecido por todos os veciños e veciñas, e moi valorado pola súa implicación nestes últimos dous anos. O seguinte paso é aprobar un Plan da Infancia e Adolescencia”, engade López.
O Plan de Infancia e Adolescencia xa está listo e levase para aprobación ao pleno de mañá. Recolle as actuacións municipais das diversas áreas de goberno destinadas á infancia e á adolescencia do concello.
Ademais, establécense coordinacións complementarias con outras entidades e administracións, así como a participación directa das nenas, nenos e adolescentes residentes no municipio.
O plan realizouse grazas á creación da Mesa Técnica para a Conexión coa Infancia e a Adolescencia, na que os técnicos municipais de diferentes áreas traballaron para a súa redacción.
En palabras da alcaldesa de Burela, “un exemplo práctico do Plan é convertir a Casa da Xuventude nun espazo realmente funcional para a nosa mocidade. Recollimos peticións e ideas do Grupo de Participación para investir neste inmoble municipal e xa estamos traballando nun proxecto no que, por suposto, a mocidade terá voz”.
Coidadoras do comedor
O pleno debatirá tamén mañá unha solución para a situación laboral das coidadoras do comedor. “O persoal do concello é unha asignatura pendente, que este equipo de goberno pretende superar coa xa coñecida Relación de Postos de Traballo (RPT), na que estamos traballando desde o primeiro día”, explica Carmela López.
“Paralelamente, hai decisións que hai que tomar para dar solución a problemas enquistados. É por iso que levamos ao pleno un conflicto colectivo cuxa primeira sentenza data do 2015 e polo cal adaptaremos ao convenio colectivo do concello cinco postos de traballo”, engade.
Aínda que existen outros empregados e empregadas públicas do Concello de Burela que non dispoñen dunha estrutura retributiva adaptada ao convenio colectivo do persoal laboral municipal, non contan cunha sentenza xudicial que obriga de modo firme e executivo a adoptar esta solución con carácter inmediato.
“É necesario resolver o conxunto das situación laborais, pero esta lóxicamente debe anteceder ás restantes”, remata a alcaldesa.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
