Manuel Rouco explica que como todos os grupos debemos de estar de acordo neste eido e nós non nos pechamos a ningunha posibilidade pero consideramos que encaixaría a concesión da Medalla de Ouro do Concello e a colocación dunha placa na Praza do Concello recordando o centenario da entidade e a colaboración prestada co pobo de Burela
Burela, 7 de outubro de 2023. O PP de Burela pide ao goberno local un recoñecemento público para a Confraría de Burela, aproveitando a proximidade do seu primeiro centenario e dado que nunca antes se fixo ningún tipo de homenaxe por esta entidade que tanto fixo por Burela e, nomeadamente, polo mundo do mar.
Os populares cren que o recoñecemento debe partir dunha declaración e acordo unánimes da Corporación Municipal, e en base ao Regulamento de Honores, declaración e acordo que deben ter a especifidade que o caso require. “Consideramos acaído que se convoque aos portavoces dos distintos grupos políticos da Corporación para tratar sobre este recoñecemento e que se consensúe cal vai ser a materialización de tal recoñecemento e o procedemento de concesión oficial e entrega, a todo o máis tardar nun prazo máximo de quince días dende a recepción da presente, considerando como data idónea o 18 de novembro, día do centenario da Confraría”, explicou.
Tras esta xuntanza de voceiros, no PP de Burela consideran necesaria a convocatoria dun pleno extraordinario cun único punto na orde do día – antes do 18 de novembro–, o recoñecemento público da colaboración da Confraría co pobo de Burela con motivo dos seus cen anos de vida. “Por que consideramos necesario un pleno extraordinario? Pola excepcionalidade do caso e por todo o que a Confraría fixo por Burela e os burelaos”, sinalou.
Manuel Rouco amosa boa vontade para sentarse a falar sobre este eido no que “todos debemos de estar de acordo” e explica que “non nos pechamos a ningunha posibilidade pero, dado o carácter de persoa xurídica da Confraría, encaixaría a concesión da Medalla de Ouro do Concello e, incluso, a colocación dunha placa na Praza do Concello facendo alusión aos cen anos da entidade e en recoñecemento á colaboración prestada durante tantos anos co pobo de Burela”.
A Confraría de Pescadores cumprirá o 18 de novembro cen anos de creación. Constituíuse o 18 de novembro de 1923 como Pósito de Pescadores de Burela, ao abeiro da Real Orde de 5 de xaneiro de 1918 que regulaba a creación dos pósitos de pescadores. A orde de 21 de marzo de 1943 do Ministerio de Traballo trouxo consigo o cambio de nome e mesmo unha certa transformación dos pósitos, que pasaron a ser confrarías.
Recorda o voceiro popular, Manuel Rouco, que esta Confraría “tivo unha importancia crucial no desenvolvemento de Burela”. Dende a construción da primeira rula con taboleiros de madeira, a Confraría ten estado presente en todos os ámbitos da vida Burela, sen esquecer o pulo económico que deu á vila e para a realización de obras de carácter social, como para poder adquirir os terreos nos que agora se atopan a Casa e Praza do Concello.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
