As instalacións xa poden ser utilizadas, de momento en exclusiva, polo Club Deportivo San Ciprián, e polo Maderas Barcia Cervo, que serán os primeiros en poñer en práctica as normas de uso da instalación municipal que entre todos/as debemos coidar para garantir o seu mantemento
Cervo, 17 de outubro de 2023. O Concello de Cervo vén de recepcionar as obras das que son as únicas pistas homologadas de atletismo da Mariña, situadas no Complexo Deportivo da Veiga, en San Cibrao.
A rexedora, Dolores García Caramés, e o edil de Deportes, David Rodríguez, mantiveron un encontro cos directivos dos dous clubs locais de atletismo -o Club Deportivo San Ciprián e o Maderas Barcia Cervo-, que serán os primeiros en facer uso das novas instalación en exclusiva, polo momento, “nunha primeira toma de contacto coas pistas para que sexan eles os primeiros en poñer en práctica as normas de uso da instalación municipal que entre todos/as debemos coidar para garantir o seu futuro e o seu mantemento”, expresou a rexedora.
Así mesmo, Caramés xa anunciou que xa está fixado o próximo 31 de outubro, como data para inauguración oficial das pistas de atletismo, “e ese día teremos o privilexio de ter con nós ao atleta Adrián Ben”, para o que Caramés tamén quixo ter unhas palabras de agradecemento pola súa disposición, “xa que desde o minuto un quixo estar con nós neste día tan importante para Cervo; é todo un orgullo que un atleta con ese incrible palmarés, inaugure estas pistas que poñemos, por suposto, á súa enteira disposición, como así llo trasladamos, loxicamente”.
A rexedora, quixo expresar unha vez máis “a satisfacción enorme” de ver como Cervo se converte no epicentro do atletismo da Mariña e fixo fincapé na colaboración e implicación de todos/as para salvagardar estas instalacións privilexiadas que puidemos materializar “grazas á optimización dos recursos deportivos existentes e á inestimable colaboración da Xunta de Galicia, a través da Secretaría Xeral para o Deporte”.
Foz será o protagonista do programa Voces de Lugo, de RadioVoz, que se emitirá en directo de 12 a 14 horas desde a cafetería Marexada para toda a provincia. Félix Jorquera charlará co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fará un balance do verán, analizará os proxectos para os vindeiros meses e tamén o momento polo que atravesa o deporte local.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
