O conxunto mariñano vence ao U.A. Ceutí no seu territorio sumando tres puntos nun encontro moi complicado e escalando na clasificación
Burela, 28 de outubro, 2023. Esta tarde ás 18.15h no Pavillón Guillermo Molina de Ceuta celebrouse o encontro da 6ª xornada de Segunda División de Futsal, Unión África Ceutí – Pescados Rubén Burela FS, un encontro que se prevía moi complicado e que non defraudou. Aínda que cumpriu as espectativas os Pícaros souberon manter o ritmo do encontro e, cun só tanto de Álex García e mantendo unha defensa moi firme cun Michal Kaluza imbatible, lograron sumar nunha xornada sen o amparo da bombonera e ante un rival que ocupaba a 5ª posición na táboa con dúas vitorias, un empate e unha soa derrota. Tres puntos que levan, tras un partido moi competido, moi igualado e con bastantes boas ocasións dos de David Rial, aínda que tamén grazas a un muro que protexeu a portería dos burelenses sobre todo ao final do encontro.
Na primeira parte comeza presionando os primeiros minutos o conxunto local pero sen tiros a porta por parte dos dous equipos. No minuto 4 Kaluza salva unha ocasión sacando o balón fóra tras un tiro desde a banda e segundos despois Lucho case logra o primeiro tanto en tres ocasións seguidas que un tamén moi destacado Germán logra defender. Tras sucesivas ocasións por parte de ambos equipos chega o descanso non sen unha oportunidade clarísima de Alberto que tras un pase de Lucho e só ante o porteiro tiraa fóra no último minuto da primeira metade.
Na segunda parte volve Alberto a tentalo no minuto 21 e Chano frústrase só ante Kaluza non logrando sobrepasar ao porteiro polaco no minuto 23. No minuto 29 chega o tanto do partido cun golazo de Álex García dun disparo frontal desde fóra da área que lle vén dun saque de banda. A partir de entón o Ceuta aperta con máis intensidade pero a pesar das numerosas ocasións a defensa do Burela mantense e Michal lócese ata o final do partido. A pesar dunha perigosa falta indirecta, a presión do porteiro-xogador con Víctor Arévalo do equipo ceutí e outra falta peligrosísima que se repite no minuto 39 pero que en ningunha das dúas ocasións logra traspasar a portería laranxa. O encontro remata cun importantísimo 0-1 para os mariñáns que, tras un comezo de tempada algo atropelado, comezan a mostrar o seu carácter e bo entendemento na pista con 4 vitorias acumuladas en 6 encontros desde o comezo da mesma.
Tras a longa e compricada viaxe a Ceuta, o mércores día 1 de novembro xogarán o seu primeiro partido da XXXII Copa Galicia, correspondente á 4ª eliminatoria, ante o Stellae FS – Valga ás 19.30h no Pavillón Beiro – Valga.
Ficha Técnica Unión África Ceutí 0 – 1 Pescados Rubén Burela FS
Unión África Ceutí (0): Germán Román; Víctor Arévalo, Nacho, Anuar, Chano -quinteto inicial-, Dela, Dani Fernández, S. Barona, Cristian Rubio, Abraham, R. Vargas, Álex García, Rafa López (P).
Pescados Rubén Burela FS (1): Kaluza; Quelle, Isma, Alberto,Malaguti -quinteto inicial-, Lucho, Nico Rosental, Flethes, Álex García, Charly, Ismael, Mika (P)
Goles: 0-1, min. 29: Álex García.
Árbitros: Diego Corredor Corredor, Rafael Olmos Sáez, Kamal Mohamed Daoudi, Álvaro de Jesús Fernández Pérez.
TA: Víctor Arévalo, Dani Fernández, Álex García (Equipo Local); Lucho, Charly, Malaguti (Equipo Visitante)
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
