Foz, 21 de novembro de 2023. O Concello de Foz levará ao pleno da corporación local que se celebrará o día 30 deste mes, xoves, a aprobación dos orzamentos municipais para o ano 2024, que ascenden a 10,4 millóns de euros. Nesa sesión plenaria tratarase tamén a actualización de distintas taxas, impostos e prezos públicos. Este xoves, día 23, celebrarase a Comisión de Asuntos Preparatorios.
A concelleira de Economía e Facenda e segunda tenente de alcalde, Inés López Couto, explica que “o Concello de Foz acelera os trámites administrativos para aprobar en tempo e forma os orzamentos do ano 2024, uns orzamentos realistas que ascenden a 10,4 millóns de euros. Traemos tamén a este pleno unha actualización de distintas taxas, impostos e prezos públicos, que se completará en vindeiras sesións plenarias. Fomos capaces con gran esforzo de conxelar a carga impositiva durante catro anos, anos nos que as veciñas e veciños o estaban a pasar realmente mal por mor da crise provocada pola COVID. Incluso baixamos impostos nese período, como a derrogación desde marzo do ano 2021 da taxa por ocupación das terrazas. Somos sensibles ás distintas situacións e dentro dos prezos públicos valoramos a economía das familias, con exencións segundo os ingresos de ata o 100% para as matrículas das Escolas Deportivas, para que ningún neno quede excluído. Ademais, cumprimos co programa electoral no referente ao imposto de plusvalía, que mantén o tipo impositivo actual pero que ten unha exención de entre o 50 e o 95% no caso de terreos asociados á vivenda habitual dos herdeiros”.
O alcalde, Fran Cajoto, destaca que “o esforzo económico do Concello é maior ao asumir o financiamento de competencias que non lle son propias, que son da Xunta de Galicia. Calculamos no entorno dos 800.000 euros ao ano o custo dos servizos que ten que pagar o Concello e que son competencia da Xunta de Galicia. Estamos a falar do servizo de axuda no fogar (300.000 euros ao ano), Escola Infantil da Galiña Azul (60.000 euros ao ano), bedeles nos colexios públicos (90.000 euros ao ano), axuda de emerxencia para as prazas da residencia ante o total abandono da Xunta (240.000 euros ao ano) ou o pago por ocupación dos espazos portuarios (120.000 euros anuais), cando hai un convenio asinado coa FEGAMP que a Xunta incumpre. 800.000 euros que o Concello deixa de investir anualmente en camiños e en actividades de todo tipo… e fannos moita falta”.
Os orzamentos que presenta o equipo de goberno para o ano 2024 ascenden a 10.413.455 euros e inclúen partidas de investimento de 95.000 euros para adquirir unha nova varredora, que mellore a limpeza das rúas, ou 110.000 euros para o arranxo do firme da Avenida da Mariña, partida que, en palabras do alcalde, “non é suficiente e teremos que complementala con fondos do Plan Único da Deputación de Lugo. Vémonos obrigados a substituír completamente o firme dunha obra que se rematou no ano 2018, algo incomprensible para todos”.
Inés López engade que “son uns orzamentos que continúan incidindo en mellorar a vida dos veciños e non deixar a ninguén atrás. E sobre todo en comezar novos proxectos ilusionantes, coma o auditorio que merece Foz, xa que neste orzamento déixase unha partida para a adquisición dos terreos e que ademais poden ser tamén utilizados con outros fins, mentres se busca un o financiamento da infraestrutura. Porque non só queremos continuar mellorando o existente senón facendo realidade as demandas históricas do concello.
E Fran Cajoto comenta ademais que son “uns orzamentos de máis de 10,4 millóns de euros que reflicten o avance do Concello de Foz nos últimos anos, o concello da Mariña que máis poboación gañou superando amplamente os 10.100 habitantes. Debemos ser capaces de aumentar a capacidade inversora do municipio para mellorar a calidade dos servizos públicos -abastecemento, mellora de camiños e rúas, cultura, deporte,…- Esta sesión plenaria é un impulso na boa dirección”.
O alcalde e a concelleira agradecen aos servizos técnicos municipais “o inxente esforzo para levar estes expedientes a pleno”.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
