Os populares denuncian “un novo agravio” a Galicia por parte do Goberno de Sánchez que pactou co PNV transferir medios persoais e materiais para a xestión do litoral no País Vasco sen necesidade de reformar o Estatuto; pero a Galicia lévaa ao Tribunal Constitucional”
A Mariña, 22 de novembro de 2023. Os populares lamentan que os rexedores e representantes municipais do PSOE e BNG nos Concellos da Mariña non acudiran á reunión informativa convocada pola vicepresidenta segunda e conselleira de Medio Ambiente, Territorio e Vivenda, Ángeles Vázquez, e o conselleiro do Mar, Alfonso Villares, en relación á Lei de ordenación e xestión integrada do litoral de Galicia.
Dende o PP explican que “estaban convocados á reunión os alcaldes e representantes municipais de todos os Concellos, independentemente da súa cor política; pero non apareceu ningún do PSOE nin do BNG”. E engaden que “estamos acostumados ao seu sectarismo político; pero, neste caso, negarse a asistir a esta reunión informativa á que estaban convocados é dar as costas aos seus veciños e veciñas e ás empresas da cadea mar-industria ou doutros sectores asentadas na costa”. É dicir, “vai máis alá da falta de respecto institucional coa Xunta” porque “o que están a amosar é total falta de empatía cos afectados pola incerteza que supón a presentación por parte do Goberno de Pedro Sánchez dun recurso de inconstitucionalidade contra a lei galega de xestión do litoral”.
Neste sentido, os populares denuncian “un novo agravio” a Galicia por parte do Goberno central poñendo como exemplo o País Vasco. “O PSOE pactou co PNV a transferencia dos medios persoais e materiais para a xestión do litoral sen reclamar a reforma do Estatuto vasco, pero a Galicia non lle permite xestionalo a pesar de que o noso Estatuto de Autonomía recolle as mesmas competencias que o do País Vasco”.
Tendo en conta que “Galicia ten as competencias para ordenar o seu territorio, incluído o costeiro, a Xunta defende a validez da normativa autonómica e está a preparar as alegacións ao recurso presentado polo Goberno de Sánchez” porque “pretende sacar da súa localización actual instalacións xa asentadas na liña de costa” que suporá “complicar máis o futuro da Mariña e do emprego”. Os populares cren, polo tanto, conveniente “defender en todas as instancias os intereses das empresas, entidades e cidadáns” para “darlles seguridade xurídica”.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
