O Presidente da institución, José Tomé Roca, e o Alcalde de Ourol, José Luis Pajón, asinaron un acordo polo que a entidade provincial achega 4.000€ para publicar esta obra, que pon en valor o patrimonio indiano da localidade e contribúe así a impulsar o turismo cultural na Mariña
Lugo, 7 de novembro de 2023. O Presidente da Deputación, José Tomé Roca, e o Alcalde de Ourol, José Luis Pajón Camba, asinaron un convenio de colaboración para a edición do libro A imaxinería nos cemiterios de Ourol: dous canteiros, que ten por obxectivo dar a coñecer e poñer en valor o patrimonio indiano para impulsar o turismo cultural no concello e no conxunto da Mariña.
A institución provincial achega case 4.000€ para a edición desta publicación, obra de Anxo Vázquez Pernas, e que recupera a historia e o traballo de dous grandes canteiros na zona da Mariña Occidental: Xaquín de Gato e Francisco Veiga máis coñecido como Pena de Miñotos.
O libro consta de 25 capítulos, que percorren a época de maior auxe destes dous artistas desde a elaboración de cruceiros na que destaca a influencia dos Carboeira ata a explosión iconográfica dos cemiterios de Ourol, Merille e Xerdiz, considerado este último o cemiterio indiano máis importante da Mariña. Nas súas páxinas tamén se reflicte o desenvolvemento da economía, as relacións sociais e a relixiosidade de mediados do século XIX e principios do XX do municipio.
José Tomé Roca destacou o valor desta obra polo seu interese histórico, etnográfico e de promoción, pois “servirá para seguir promovendo o turismo cultural na Mariña aproveitando a súa profunda pegada e tradición indiana”. O Presidente explicou que este novo volume súmase á colección de libros para recuperar a historia local de Ourol, coa que “estamos favorecendo o impulso dun itinerario polos tres cemiterios que completaría a Ruta indiana, xa consolidada polo concello, para coñecer o relevante legado cultural que os que tiveron que emigrar a América deixaron neste territorio”.
Colección de obras sobre a historia local
Deste xeito, A imaxinería nos cemiterios de Ourol: dous canteiros formará parte da colección composta por catro publicacións: Ourol. A nosa historia; Anacos da nosa historia; Cruceiros, cristos, cruces e monumentos do Concello de Ourol; e José María e Manuel Riguera Montero: dous irmáns emigrantes das montañas de Ourol e Muras.
O Alcalde de Ourol agradeceu pola súa parte a colaboración da Deputación porque permite ao Concello sacar á luz unha nova edición que “aporta datos relevantes para coñecer e comprender o pasado e o presente do noso municipio, ao mesmo tempo que axuda a construír o noso futuro”. Nestes momentos, o concello de Ourol, subliñou o rexedor “non ten un gran fondo local, polo que a colección destes libros son unha maneira de incrementar o número de estudos sobre a nosa localidade coa finalidade de divulgar este coñecemento entre os nosos veciños, e transmitir a nosa historia ás novas xeracións”.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
