Os deputados populares abstivéronse porque “non podemos apoiar unha proposta de PSOE e BNG que é pobre, inxusta e urbanita” e así o amosaron acompañados por alcaldes e portavoces da provincia
Lugo, 26 de decembro de 2023. O Grupo Provincial Popular cre que “a mesma cantidade que se incrementou o orzamento da Deputación de Lugo para o 2024 tiña que dirixirse aos municipios a través dunha subida do plan de cooperación cos Concellos da provincia”. O portavoz, Antonio Ameijide, lamentou durante unha rolda de prensa na que participaron os deputados e tamén alcaldes e portavoces de toda a provincia que “a proposta urbanita do Plan Deputación do goberno provincial de PSOE e BNG é pobre e, aínda por riba, inxusta e por iso non o podemos apoiar”. De feito, os deputados do PP abstivéronse na votación.
“O que ata agora se coñecía como Plan Único é pobre porque conxela ou baixa a aportación da Deputación a 62 dos 67 Concellos da provincia (baixa a achega a 34 Concellos, máis da metade dos municipios da provincia) cando o orzamento da Deputación de Lugo se incrementou en preto de 6 M€. O presuposto subiu un 6%, pero o rebautizado como Plan Deputación só se incrementou nun 1%; a pesar de que os Concellos teñen que facer fronte a unha inflación bastante superior”.
O voceiro tamén incide en que “é inxusto porque lles sube a aportación aos 5 Concellos con maior poboación deixando de lado aos concellos pequenos, que son aos que debe apoiar especialmente a institución provincial segundo a Lei 7/1985 reguladora das bases do réxime local. Porque, incluso entre os restantes 28 aos que lles sube a aportación suman un total de 39.402 € entre todos (1.407 € de media a cada un); mentres que para os 5 máis poboados, curiosamente gobernados por socialistas ou ex socialistas, se lles incrementa 50.000 € a cada un (entre os 5 suman os 250.000 € que incrementa o coñecido como Plan Único)”.
Os populares lamentan que “o goberno provincial de PSOE e BNG se estea a rir dos veciños dos 62 Concellos da provincia” e amose un “claro desprezo polo rural” con un plan provincial “urbanita” ao que lle cambiaron a nome porque “o que lles interesa é a propaganda, tal e como o recoñecen coa súa xustificación do cambio de nome: para que a veciñanza identifique as obras e servizos que financia a institución provincial grazas a este programa”.
Ameijide sinala que “PSOE e BNG son capaces de facer inxusto o que debería ser xusto”. E o peor é que non parece acabar aquí porque a memoria do Plan Deputación avanza que “no vindeiro ano subirán o importe máximo a percibir polos Concellos noutros 50.000 €, é dicir, ata os 600.000 €, o que suporá que se beneficiarán de novo aquelas poboacións máis grandes”. Polo tanto, os deputados provinciais convidan ao goberno provincial a reflexionar antes de “perpetuar no pleno deste martes un novo desprezo á provincia”.
PROPOSTAS DO PP
O Grupo Provincial Popular ten defendido en varias ocasións un incremento dun 30% para o plan de cooperación cos Concellos, é dicir, uns 6,5M€ aproximadamente “que se poderían financiar cos fondos que o goberno que preside Tomé dirixiu este ano a convenios a dedo antes das eleccións municipais ou cos fondos nos que se incrementou o orzamento provincial para 2024”.
Os deputados populares tamén apostan por “incrementar ata o 90% o adianto deses fondos aos Concellos” tendo en conta que algúns non poderán adiantar a cantidade do total do investimento; e tamén propoñen “permitir destinar parte desta achega para gastos correntes” en función das necesidades de cada entidade local.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
