Fíxoo na inauguración do foro que a institución provincial organiza hoxe en Monforte de Lemos coa CEL para impulsar o desenvolvemento empresarial e o emprego, “a clave”, xunto aos servizos públicos, para fixar poboación no rural
Lugo, 18 de xaneiro de 2024. O Presidente da Deputación de Lugo, José Tomé Roca, reivindica a necesidade dun plan industrial para a provincia e para o conxunto de Galicia, despois de 15 anos sen ningún proxecto da Xunta, “nin bo nin malo. Ningún”. Fíxoo na inauguración do foro que a institución provincial organiza hoxe en Monforte de Lemos coa Confederación e Empresarios de Lugo (CEL) para impulsar o desenvolvemento empresarial e o emprego, “a clave”, xunto aos servizos públicos, para fixar poboación no rural, subliñou.
José Tomé abriu o encontro, celebrado no Centro do Viño, xunto ao presidente da CEL, Eduardo Valín Fernández, incidindo en que con esta nova iniciativa da Deputación en colaboración co Confederación de Empresarios busca “seguir aportando medidas que xeren riqueza para mellorar a vida das persoas, e que axuden a combater o despoboamento, un dos principais problemas que temos como país”.
Para iso, a xornada estruturouse en torno a tres eixos temáticos: as necesidades en materia de infraestruturas, cos enxeñeiros Manuel Barreiro, director da consultora TYLin Europa/Latam, e Silvia Pérez, consultora estratéxica de iPlan Mobilidad; a creación de polos industriais no ámbito rural, que conduciu Isabel Pardo de Vera, exSecretaria de Estado de Transportes, Mobilidade e Axenda Urbana do Goberno de España e expresidenta de ADIF; e o impacto demográfico dos proxectos industriais, dirixido por Óscar Gómez Barbero, recentemente nomeado novo Director Xeral de Negocios e Operacións de Renfe e exdirector xeral de LogiRAIL.
Servizos públicos e emprego
Segundo recalcou o Presidente da Deputación e tamén Alcalde de Monforte, as claves para frear a caída demográfica son os servizos públicos e o emprego. “Se non hai servizos públicos nin emprego, a xente marcha do rural e, se non hai xente, o territorio non é atractivo para as empresas. É un círculo negativo, que temos que romper”, manifestou no foro.
Neste sentido, José Tomé sinalou o compromiso do Concello e da Deputación: “traballamos cada día para achegar os servizos públicos aos veciños, e reivindicamos que a Administración autonómica teña ese mesmo compromiso no ámbito da súa competencia: que non deixe á xente sen médicos, sen mestres, sen escolas, sen atención aos maiores ou sen servizos sociais, como, por desgraza, está facendo”.
Así mesmo, expuxo o papel en apoio dos sectores produtivos do Concello de Monforte, da Deputación de Lugo e do Goberno de España.
Desta forma, José Tomé destacou que nos case 9 anos que leva á fronte da entidade local “convertemos Monforte nun polo de desenvolvemento empresarial da comarca da Ribeira Sacra. Tal e así, que empresas de referencia a nivel nacional se están interesando pola nosa cidade como unha boa oportunidade de negocio, as instalacións industriais quédanse pequenas, e xa estamos traballando para amplialas a máis do dobre da súa extensión para atender a demanda”.
A Deputación de Lugo, engadiu, “é hoxe un referente en políticas públicas en apoio do sector primario, -no que a provincia de Lugo é unha auténtica potencia-, con proxectos como a Granxa Gayoso Castro, onde contamos co primeiro centro público de recría de España e co primeiro centro de experimentación leiteiro de Galicia, no que investigan e fan prácticas os alumnos de Veterinaria e da Politécnica, do Campus Universitario de Lugo”.
Puxo tamén o acento na “aposta decidida” da institución provincial polo turismo, “de calidade e sostible”, pois “xera na actualidade o 11% do PIB e o 13% do emprego da provincia de Lugo, e que ten unha gran capacidade para crear riqueza no rural”.
En canto ao Goberno do Estado, José Tomé asegurou que ten en marcha moi diversas medidas, “nomeadamente cos fondos que conseguiu da Unión Europea”, poñendo como exemplo que vén de conceder preto de 5M€ en incentivos rexionais para impulsar 6 proxectos industriais na provincia, entre eles, o da farmacéutica Kern Pharma en Monforte. Estas axudas mobilizarán, en total, un investimento de máis de 54M€, e permitirán crear 175 novos empregos e manter practicamente 1.000 postos de traballo.
Todas estas medidas, “reais”, subliñou, “demostran que non é unha utopía industrializar o noso rural. Hai materia prima e capital humano, mozos e mozas ben formados que só esperan por oportunidades para poder desenvolver o seu proxecto vital. Ademais, o apoio das administracións pode ser ese primeiro motivo que anime ás empresas a interesarse en lugares do territorio que, a priori, non serían os primeiros nos que pensarían”.
Urxe un Plan de Industrialización e o Porto Seco
Como Presidente da Deputación de Lugo, lembrou, leva reclamando á Xunta de Galicia un plan de industrialización para a provincia e para toda Galicia, “que a Xunta segue sen impulsar, a pesar de ter as competencias para facelo”; e como Alcalde, “é moi decepcionante ver como o Goberno galego reserva cada ano nos Orzamentos unha partida simbólica para o Porto Seco, que nunca executa, coartando así as posibilidades de crecemento do noso concello e da comarca”.
O mandatario provincial mostrouse convencido de que “se abrirá un novo horizonte, no que os concellos, a Deputación, a Administración autonómica e o Goberno de España colaboraremos e sumaremos esforzos co tecido empresarial para xerar emprego no rural, que é unha das mellores formas de garantir o equilibrio territorial en Galicia e de loitar contra o reto demográfico”.
No Foro para Impulsar o Desenvolvemento Empresarial da Provincia de Lugo participaron medio cento e empresarios e representantes de organizacións empresarias da provincia e do resto de Galicia, entre eles, Magnsitas, Cafés Candelas, Transportes Valín, Subministros Megaro Foods, Naturleite e Farmadismo, e os presidentes da CEL, da Asociación Provincial de Instaladores Electricistas, da Asociación Provincial de Empresarios de Hostelería da Provincia (APEHL), entre outros.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
