Nota de Prensa
O PLENO DE CERVO APROBA A INICIATIVA NACIONALISTA PARA AMPLIAR AS ESCAVACIÓNS ARQUEOLÓXICAS DO CASTRO DA ATALAIA A TERREOS PÚBLICOS
A INICIATIVA TAMÉN BUSCA O ACORDO ENTRE A XUNTA E O PROMOTOR CON LICENZAS DE CONSTRUCIÓN PARA A RECUPERACIÓN PARA USO PÚBLICO DOS TERREOS XA ESCAVADOS
O PP REXEITOU OUTRA MOCIÓN QUE PRETENDÍA A CRIACIÓN DUNHA PRAZA DE ATS NO CENTRO DE SAÚDE DE SAN CIBRAO DE ACORDO CO PLAN MELLORA
Cervo, 1 de outubro de 2010. O BNG sacou adiante no pleno de onte a moción que instaba á Xunta de Galiza a negociar unha saída que permita o uso público de terreos privados do Castro da Atalaia nas que un promotor ten concedidas licenzas de construción. O acordo ademais solicita ao departamento de Costas a que financie en colaboración coa Dirección Xeral de Patrimonio a intervención arqueolóxica en terreos de titularidade pública da Autoridade Portuaria Ferrol San Cibrao; en ambos casos a iniciativa deriva da importancia deste xacemento arqueolóxico xa constatado por informes elaborados e corroborados pola Dirección Xeral de Patrimonio. Os nacionalistas lamentaron a falta de apoio do PP para completar o servizo sanitario en San Cibrao coa creación dunha praza de PSX tal como estaba previsto no Plan Mellora e que o actual goberno galego se nega a executar.
A importancia de recuperar o Castro da Atalaia non so polo seu interese cultural senón tamén polo seu interese turístico e económico.
O BNG sacou adiante no pleno de onte unha iniciativa apoiada por informes da Dirección Xeral de Patrimonio que resolveu “conservar in situ” o xacemento e a “súa incompatibilidade coas licenzas de construción municipais aprobadas para a zona” ademais da recomendación de ampliar as escavacións a terreos de titularidade pública da Autoridade Portuaria Ferrol-San Cibrao”. Os nacionalistas solicitaban negociacións co promotor propietario destas licenzas que foi emendada polo PP co matiz de “proseguir coas negociacións”, algo que levou ao BNG a presentar no punto de preguntas unha “sobre o estado destas negociacións”. Ademais aprobouse na mesma iniciativa instar ao Departamento de Costas a financiar en colaboración coa Dirección Xeral de Patrimonio actuacións de escavación e recuperación arqueolóxica nos referidos terreos públicos. Para o BNG, “que non eludiu criticar ao goberno municipal por non evitar a destrución parcial deste xacemento e outras medidas como o recurso contra o seu inventariado”, “a conservación e posta en valor do Castro da Atalaia debe formar parte do patrimonio cultural público non só polo seu interese histórico, senón tamén por consideralo un recurso turístico e por tanto económico moi importante para o concello de Cervo.”
Voto favorábel pero matizado en canto ao lugar de construción da residencia da terceira idade en San Cibrao.
O BNG votou a favor do gasto plurianual para financiamento da construción da residencia da terceira Idade pero matizou que “non son os terreos do campo de fútbol da Veiga o mellor lugar para a súa construción ao perder solo dotacional para usos deportivos cando o derrube do colexio Rivera Casa libera espazo suficiente para a súa construción nun lugar centrico que consolidaría maior actividade social e económica que beneficia ao sector comercial en San Cibrao, con espazo suficiente para unha praza pública e zonas de paseo e lecer para os maiores futuros usuarios deste servizo.”
Voto en contra do PP para a posta en marcha do Plan Mellora para incrementar o servizo sanitario primario.
O BNG criticou a parálise do goberno de Feijoo do Plan Mellora, acordado entre o anterior goberno galego, sociedades científicas, asociación profesionais e representantes sindicais do sector sanitario que permitiría unha mellora substancial na sanidade primaria, non só pola dotación de mais persoal, senón tamén pola calidade do servizo, no caso de Cervo de acordo con este plan, o centro sanitario de San Cibrao incrementaría unha praza de Persoal de Servizos Xerais. Para os nacionalistas a mellora do servizo na sanidade primaria e básico para desconxestionar o servizo especializado que ofrece o Hospital da Costa e permitiría de desenvolverse este plan a dotación de 24 prazas de persoal sanitario on conxunto dos centros de primaria da Mariña.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
