Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición
Burela, 4 de febreiro, 2024. As Guerreiras Laranxas xa son hexacampioas da Supercopa de España, logo de conquistar este domingo o seu sexto cordón, o quinto de forma consecutiva, en Torremolinos. Nunha final moi disputada e na que as burelistas dispuxeron das mellores ocasións, ás da Mariña bastoulles un solitario tanto de Dany no segundo tempo para derrotar ao Poio Pescamar (1-0) e engadir un novo título ás súas vitrinas.
O primeiro tempo foi de alternativas e moito control. Rafinha e Dany probaron fortuna nos tres primeiros minutos de xogo, pero o disparo da primeira íase lixeiramente desviado e o da segunda non poñía en apertos a Elena ao ir demasiado centrado. A partir de aí, o Poio Pescamar tamén se atreveu a achegarse á portería defendida por Caridad. Laura Uña recibía un balón soa na área, aínda que un pouco escorada, e a gardameta de Sanlúcar de Barrameda aparecía providencial para meter unha boa man. Despois tentaríao Ale de Paz nunha falta directa que se foi desviada.
Superado o ecuador do primeiro tempo, as mariñás dispoñían de tres ocasiones en tan só un minuto. Antía finalizaba demasiado centrado unha boa deixada de Rafinha xogando de pivote, Dany non atopaba o camiño da portería tras un gran xiro e Irene Samper, na oportunidade máis clara do primeiro tempo, atopábase coa base do pau esquerdo da meta de Elena tras unha gran condución individual. O partido arrefriaríase a nivel de ocasións ata os últimos segundos, cando a poiense Elena tiña que aparecer para sacar un lanzamento moi perigoso de Emilly.
As porteiras foron as grandes protagonistas no arranque do segundo período. Caridad realizaba unha boa estirada abaixo para desviar un lanzamento de Laura Uña á reviravolta e a súa homóloga na outra portería non era menos cun pé salvador diante dun disparo seco abaixo de Antía. Dany, desde uns 12 metros, probaríao despois e de novo respondía Elena enviando a córner.
No minuto 26, como preludio do tanto laranxa, as discípulas de Julio Delgado dispuxeron dunha tripla ocasión. Un primeiro remate de Patricia era desviado por unha futbolista poiense e a punto estaba de coarse na meta de Elena. Despois, á saída do córner, tocaba a porteira conserveira o xusto para rexeitar un remate de Emilly e por último, tras outro saque de esquina, tiña que meter as mans para sacar con apuros un canonazo da propia Emilly. Na seguinte ocasión chegaba o gol de Dany, que aproveitaba un balón morto no corazón da área para bater a Elena.
As pontevedresas responderon rápido nunha acción de estratexia cun balón de Ale de Paz que se dirixía ao ángulo, pero aparecía Caridad cunha estirada espectacular para evitar o empate. Foi un espellismo, porque as laranxas dominaron ben a situación e o Poio Pescamar non dispuxo de máis ocasións salientables.
Antes de que as visitantes, a pouco máis de tres minutos da conclusión, probasen sorte con Ale de Paz como porteira xogadora, Antía dispuxo de dúas boas ocasións. A primeira fabricouna ela mesma roubando un balón en campo contrario, pero o seu remate diante de Elena foi moi desviado, e a segunda chegou tras unha boa acción de Emilly, que deixaba soa á de Laza, pero nesta ocasión sacaba un lanzamento demasiado cruzado. A brasileira, cun disparo desde campo propio, tivo a última para sentenciar o encontro. As poienses tentárono ata o final coa porteira-xogadora, pero o Pescados Rubén Burela defendeuse con moita orde e o título viaxará para A Mariña.
Ficha Técnica Pescados Rubén Burela FS 1-0 Poio Pescamar
Pescados Rubén Burela FS (1): Caridad; Antía, Rafinha, Emilly, Dany -quinteto inicial-, Cami, Patricia e Irene Samper.
Poio Pescamar (0): Elena; Martita, Ale de Paz, Elena Aragón, Laura Uña -quinteto inicial-, Elena Aragón, Irene García, Carla Ayensa e Marta Peñalver.
Goles: 1-0, min. 27: Dany.
Árbitros: Jesús Barrilero e Tiare Valencia (Colexio Andaluz). Amonestaron á burelista Irene Samper e a poiense Irene García.
Incidencias: Final da Supercopa de España disputada no Palacio San Miguel de Torremolinos (Málaga) ante máis de 1.400 espectadores.
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
