A candidata número tres da candidatura socialista pola provincia de Lugo ás eleccións autonómicas reuniuse este mércores co colectivo de Amas de Casa de Ribadeo onde puxo en valor o seu labor, “fundamental para visibilizar o traballo das mulleres e empoderalas”
A Mariña, 7 de febreiro de 2024. A número tres da candidatura socialista pola provincia de Lugo ás eleccións autonómicas, Mayra García Bermúdez, avanzou este mércores en Ribadeo “que con José Ramón Gómez Besteiro á fronte da Xunta apostaremos de xeito decidido polo rural como un espazo de oportunidades, ao que dotaremos dos servizos públicos que necesita”.
A socialista mantivo un encontro con representantes da asociaciónde Amas de Casa de Ribadeo para escoitar as súas principais preocupacións e necesidades, ao tempo que lles recoñeceu a importancia do traballo que realizan a diario dende o colectivo. “O labor que fan é fundamental para empoderar ás nosas mulleres rurais, fomentan e dan visibilidade a unha parte da sociedade que moitas veces é silenciada, e tamén contribúen á igualdade entre homes e mulleres no mundo rural”, afirma.
“A loita pola igualdade é imparable, porque só queremos compartir o mundo e a vida en pé de igualdade. Para iso, creo firmemente nos servizos públicos por tres razóns: polo servizo que se presta en si, porque son grandes xeradores de emprego de calidade e porque contribúen a alcanzar a igualdade entre homes e mulleres”, afirmou García Bermúdez. “Para que as mulleres quedemos no rural é preciso ter servizos, nós seguimos asumindo o rol dos coidados da familia e dende logo, o Partido Popular non repara niso, temos que ser os socialistas os que visibilicemos esta realidade e contribuamos a atallala”.
Amas de Casa de Ribadeo leva dende 1981 promovendo formacións, charlas e obradoiros cun claro compoñente cultural e social, ademais de realizar actuacións específicas dirixidas á prevención da violencia machista. A súa filosofía é apoiar á muller, sobre todo á muller rural, ás persoas maiores e a aquelas que se atopan en situación de vulnerabilidade, buscando potenciar e promover a igualdade de oportunidades entre homes e mulleres.
“Necesitamos seguir avanzando, seguir adquirindo dereitos da man do socialistas, da man de Besteiro, é vital para o reto demográfico, por iso temos que presentar especial atención ás mulleres”, indicou a socialista.
Transporte público
A candidata socialista tamén se reuniu hoxe en Lourenzá xunto á Alcadesa, Rocío López, e o tenente de Alcalde, Javier Huertas, coas familias do alumnado que cursa formacións postobrigatorias.
No caso do alumnado que estuda Bacharelato en Mondoñedo, os Concellos de Lourenzá e Mondoñedo e as familias están sufragando o transporte escolar, porque a Xunta considera que non teñan dereito el, cando antes sempre viaxaban en transporte escolar xunto ao nenos e nenas que cursan Educación Secundaria Obrigatoria (ESO). Pola súa banda, os rapaces e rapazas laurentinos que se estudan ciclos formativos en Xove tampouco dispoñían de transporte público, polo que tamén o Concello e as familias son os que se encargar de contratar un autobús que lles permita continuar cos seus estudos.
“Como non están habilitadas liñas regulares de transporte público que conecten os municipios na Mariña vémonos con este gran problema, e o mesmo acontece cando un veciño ou veciña quere ir facer algún recado ou mesmo ir ao hospital a Burela, ten que dispoñer dalgún familiar ou dun taxi, non temos autobuses para desprazarnos”, denuncia Mayra García, quen avanzou que o Goberno de Besteiro traballará para solucionar este problema.
“Besteiro cre na igualdade de oportunidades, vivas onde vivas, cunha clara aposta polo rural, porque os nenos e nenas do rural teñen dereito a ir a un centro de ensino igual que os da cidade”, subliñou Mayra García Bermúdez.
Este venres, 14 de agosto ás 20.00 horas, terá lugar a presentación do libro "Espiritualidad", unha longa reflexión sobre a dimensión espiritual do ser humano, levada a cabo por 8 autores de diferences orientacións relixiosas, no Local Social do Parque Concepción Arenal (antigo matadoiro) de Ferreira do Valadouro. Estará presente o autor-coordinador da obra Pepe Peinó.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
