Os populares queren que se depuren responsabilidades e que nesta comisión de investigación estean presentes, ademais dos representantes dos grupos políticos, tamén os técnicos que participaron na organización deste evento
Foz, 22 de febreiro de 2024. O PP de Foz vén de rexistrar unha moción para debater no pleno ordinario de febreiro na que solicitan a creación dunha comisión para investigar os graves sucesos acontecidos trala entrega de premios do baile de Entroido pola acumulación de xente debido á desorganización á hora de deseñar a entrada, saída, accesos aos baños e zona de fumadores xa que todos confluían; feitos que o bigoberno de PSOE e BNG pretenden ocultar.
A concelleira Verónica Soto subliña que a “a característica falta de transparencia do goberno local volve a darse nestas circunstancias tan graves xa que temos solicitado o plan de seguridade, seguros e demais documentación relacionada con este evento para ter toda información necesario pero de momento non nos deron dita documentación”.
“Non queremos que isto se esqueza como quere facer o equipo de goberno, como queren facer sempre PSOE e BNG deixando pasar as cousas, pois son sucesos moi graves nos que estiveron en risco a saúde e seguridades de moitas persoas”, afirma Soto. Houbo xente que sufriu crises de ansiedade, moitos dos asistentes decidiron abandonar o baile e gracias á actuación da Garda Civil evitáronse males maiores
Polo tanto, os populares queren que se depuren responsabilidades e que nesta comisión de investigación estean presentes, ademais dos representantes dos grupos políticos, tamén os técnicos que participaron na organización deste evento. É preciso que se aclaren cales foron os fallos porque os houbo e, ademais, reiterados, desde a elección da ubicación do recinto que foi mala xa que en inverno presenta unha inestabilidade do terreo ao nacer a auga nesa zona; ata o propio deseño do recinto e da carpa onde se albergaron os bailes de Entroido.
“O Concello é unha parte importante da organización do Entroido de Foz asumindo gran parte dos custes, poñendo medios humanos e materiais e, polo, tanto, debe responder sobre esta situación e se non o quere facer é unha mostra máis do ocultismo ao que non ten acostumados o señor Cajoto e os seus socios” finaliza a concelleira popular.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
Durante tres días desfrutan dun programa intenso de actividades na natureza: montaxe e desmontaxe do campamento, surf en Esteiro, tiro con arco, xincana e diversos xogos. A iniciativa está promovida polas Concellerías de Xuventude e Deporte xunto coa Oficina de Información Xuvenil.
