Ribadeo, 7 de marzo de 2024. O Concello presenta as bases do XVII Ribadeo de Tapeo, que se celebrará do 20 ao 28 de abril.
A concelleira de Promoción Económica, Marta Saiz, comentou que “un ano máis Ribadeo acolle o seu concurso de tapas. O evento, promovido pola Área de Promoción Económica, Iniciativa Empresarial, Turismo e Comercio, presentase como unha oportunidade fantástica para que os bares e restaurantes ofrezan o mellor da súa cociña concentrado nun par de bocados. E, á súa vez, serve para afianzar a calidade gastronómica de Ribadeo”.
A edil ribadense explicou que “o concurso dará comezo o día 20 de abril prolongándose ata o día 28 de abril. O prazo de inscrición para os establecementos remata o 15 de marzo”.
Saiz subliñou que “como novidades este ano créanse novas modalidades de premios, como é o caso da tapa doce. Así os establecementos que estean interesados en participar desta modalidade poderán presentar ata un máximo de dúas tapas sendo unha delas salgadas e outra doce ou tamén se poderá optar por presentar unha soa tapa doce ou unha soa tapa salgada”.
A concelleira de Promoción Económica indicou que “nesta edición desde o Concello quérese apostar pola sostibilidade aunado a gastronomía e para isto crearase unha modalidade de tapa máis sostible, e que contando coa colaboración de Eo Alimenta sexamos capaces de dar protagonismo neste tapeo aos produtos locais e de tempada ou produción sostible, produto autóctono, denominación de orixe, presentación con materiais reutilizables e colaboración local con outras persoas ou empresas sostibles do territorio”.
Marta Saiz sinalou que “neste senso o Concello enviará un listado de produtos dispoñibles nun radio de 100 quilómetros de cara a facilitar a elaboración de tapas e comezar a artellar unha rede de contactos entre a hostalería e persoas produtoras. Este listado de produtos dispoñibles é aberto, polo que as persoas produtoras ou comercializadoras de produtos locais pódense por en contacto co Concello. Os establecementos que desexen apostar por esta tapa sostible poderán contar co asesoramento previo do Eo Alimenta no teléfono 628842835. Trátase dun reto moi interesante para os hostaleiros que pon en valor tanto o noso produto como aos nosos produtores. Algo que dará unha nota de calidade e distinción ao Ribadeo de Tapeo”.
A edil de Promoción Económica e Iniciativa Empresarial engadiu que “como en edicións anteriores haberá unha fase previa. As semanas previas un/unha cociñeiro/a especializado na materia, degustará as tapas presentadas ao concurso. Esta fase terá simplemente un carácter de intercambio de impresións da elaboración e presentación da tapas. Aos premios do xurada concorrerán todos os establecementos inscritos no concurso. A organización reservase a posibilidade de realizar dúas quendas de selección. Unha primeira onde se escollerán os establecementos finalistas e outra quenda onde se escollerán os premiados. Haberá premios do público como en edicións anteriores e o que concorrerán todos os establecementos inscritos e os gañadores serán escollidos polo público”.
O prezo da tapa será de 2,50 euros. Os establecementos interesados en participar poden descargar as bases do Ribadeo de Tapeo na sede electrónica do Concello ou tamén para calquera dúbida ou aclaración pódese chamar á Área de Desenvolvemento Local de Ribadeo (982 128 650) ou escribir un correo electrónico a adl@ribadeo.gal
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
